ဖေဖော်ဝါရီ ၁၀၊၂၀၂၆။ သုည/People’s Spring
စစ်ကိုင်းတိုင်းအတွင်းက သပိတ်အဖွဲ့တွေ၊ ဒေသခံပြည်သူတွေဟာ စစ်အာဏာရှင်ဆန့်ကျင်ရေးနဲ့ စစ်တပ်ရွေးကောက်ပွဲ ဆန့်ကျင်ရေး လူထုသပိတ်လှုပ်ရှားမှုတွေကို ဒီကနေ့ (ဖေဖော်ဝါရီ ၁၀) မှာ ပြုလုပ်ခဲ့ပါတယ်။
စစ်ကိုင်းတိုင်းကလေးမြို့နယ်မှာ သပိတ်အင်အားစုနဲ့ ဒေသခံတော်လှန်ပြည်သူတွေ ပူးပေါင်းပြီး “ ကလေးမြို့က တော်လှန်ဆဲ ပုန်ကန်ဆဲ” စာသားနဲ့ စစ်အာဏာရှင်ကိုဆန့်ကျင်ကြောင်း ဆန္ဒထုတ်ဖော်ခဲ့ပါတယ်။
ယင်းမာပင်မြို့နယ်မှာလည်း အောင်လံလွင့်မည်ရွှေရေကြည်လူထုသပိတ်တိုက်ပွဲဟာ နယ်မြေမငြိမ်သက်တဲ့ကြားကအာဏာသိမ်းစစ်ကောင်စီကိုဆန့်ကျင်ကြောင်း ကြွေးကြော်ဆန္ဒပြခဲ့ပါတယ်။
Public Service Announcement
ဒါ့အပြင် ဒေသခံပြည်သူတွေအနေနဲ့ စစ်တပ်ထုတ်ကုန် ပစ္စည်းတွေ ဝယ်ယူမသုံးစွဲဲကြဖို့ တိုက်တွန်းနှိုးဆော်ခဲ့ပါတယ်။
စစ်ကိုင်းတိုင်းအတွင်းဒေသခံ တော်လှန်ပြည်သူတွေဟာ နယ်မြေမငြိမ်သက်မှုကြားထဲကနေပဲ စစ်အာဏာရှင်ကျရှုံးရေးနဲ့ စစ်တပ်ရွေးကောက်ပွဲဆန့်ကျင်ရေး ဆန္ဒပြသပိတ်တွေကို နေ့စဉ်ပြုလုပ်နေကြပါတယ်။
