နိုဝင်ဘာ-၁၈၊၂၀၂၅။မိထက်/People’s Spring
စစ်ကိုင်းတိုင်း၊ ကနီမြို့နယ်ကို စစ်ကောင်စီက ဒီနေ့(နိုဝင်ဘာ ၁၈ရက်)မှာ စစ်ကောင်စီကဂျက််ဖိုက်တာနှစ်စီးနဲ့လေကြောင်းကနေ ဗုံးကြဲလို့ အဒေသခံတောင်သူ တစ်ဦး ထပ်မံသေဆုံးပြီး တစ်ဦးဒဏ်ရာရခဲ့ပါတယ်။
မင်းအိုရွာနဲ့သရက်ပင်ကျေးရွာကြားကို ညနေ ၅နာရီခန့်မှာ ဗုံးကြဲသွားတာဖြစ်ပါတယ်။ နှမ်းခင်းထဲ ကျရောက်ပေါက်ကွဲပြီး တောင်သူတစ်ဦး သေဆုံးပြီး တစ်ဦးဒဏ်ရတယ်လို့ သိရပါတယ်။
” ဂျက်ဖိုက်တာ ၂စီးနဲ့လာတာတော့။ ပတ်ပစ်သွားတာ။ ထိတယ်။ အရပ်သားတွေ ထိတယ်” လို့ ဒေသခံတစ်ဦးက ပြောပါတယ်။
Public Service Announcement
ကနီမြို့နယ်ကို စစ်ကောင်စီက လေကြောင်းကနေ ဗုံးကြဲတိုက်ခိုက်အပြီး တွေ့ရစဉ်။ ဓာတ်ပုံ – CJ 
ကနီမြို့နယ်ကို စစ်ကောင်စီက လေကြောင်းကနေ ဗုံးကြဲတိုက်ခိုက်အပြီး တွေ့ရစဉ်။ ဓာတ်ပုံ – CJ 
ကနီမြို့နယ်ကို စစ်ကောင်စီက လေကြောင်းကနေ ဗုံးကြဲတိုက်ခိုက်အပြီး တွေ့ရစဉ်။ ဓာတ်ပုံ – CJ 
ကနီမြို့နယ်ကို စစ်ကောင်စီက လေကြောင်းကနေ ဗုံးကြဲတိုက်ခိုက်အပြီး တွေ့ရစဉ်။ ဓာတ်ပုံ – CJ
စစ်ကောင်စီက ယခုရက်ပိုင်းမှာ ကနီမြို့နယ်ကိုဖြစ်မှတ်ထားပြီး လေကြောင်းကနေမကြာခဏတိုက်ခိုက်နေပါတယ်။ နိုဝင်ဘာ ၁၁ရက်က ကနီမြို့နယ်၊ ဝင်မနားရွာ တိုက်နယ်ဆေးရုံကို စက်တပ်လေထီးနဲ့ဗုံးကြဲခဲ့လို့ ဒေသခံတွေနဲ့ ကျန်းမာရေး ဝန်ထမ်းအချို့အပါအဝင် ခုနစ်ဦးသေဆုံးခဲ့ပါတယ်။
စစ်ကောင်စီဟာ အပြစ်မဲ့ပြည်သူလူထုအပေါ် ကျူးလွန်ထားတဲ့ စစ်ရာဇဝတ်မှုတွေအတွက် အရေးယူခံရမှာဖြစ်ပြီး စစ်အုပ်စုကျူးလွန်တဲ့ မြေပြင်သက်သေမှတ်တမ်းတွေ ပေးပို့ဖို့အမျိုးသားညီညွတ်ရေးအစိုးရ(NUG)၊ လူ့အခွင့်အရေးဆိုင်ရာဝန်ကြီးဌာနက နိုဝင်ဘာ ၁၂ရက်မှာ ထုတ်ပြန်တောင်းဆိုထားပါတယ်။
အာဏာသိမ်းစစ်ကောင်စီတပ်ဟာ လက်ရှိအချိန်မှာ ရွေးကောက်ပွဲကို အသက်သွင်းနေသလို တဖက်မှာလည်း လူထုအပေါ်အကြမ်းဖက်မှုတွေ အရှိန်မြှင့် လုပ်ဆောင် နေတယ်လို့ ဝန်ကြီးဌာနက ထုတ်ပြန်ထားပါတယ်။
