ဧပြီ ၁၂၊၂၀၂၅။သတိုး/People’s Spring
ရန်ကုန်မြို့၊ဒဂုံမြို့သစ်တောင်ပိုင်းမြို့နယ်ရဲစခန်းကို လက်ပစ်ဗုံးဖြင့်တိုက်ခိုက်ခဲ့ရာ ရဲတပ်ဖွဲ့ဝင်နှစ်ဦး ဒဏ်ရာရရှိခဲ့ကြောင်း The Blood Line အဖွဲ့တာဝန်ခံ ရဲဘော် Ko Hmanက ပြောသည်။
“တောင်ဒဂုံမြို့နယ် တောင်မြောက်လမ်းဆုံ ရဲစခန်းပါဗျ။ဂိတ်ဝနားက ရဲခွေးတွေကိုပစ်ခဲ့တာ။ ရဲခွေးနှစ်ကောင်မှာ တစ်ကောင်က ပြင်းထန်ဒဏ်ရာ သေနိုင်တဲ့ အခြေအနေပါ။ထပ်မံသိရတာတော့ ရဲခွေးတစ်ယောက်သေတယ်တဲ့ “ဟု အထက်ပါတာဝန်ခံက ပြောသည်။
ဧပြီ ၁၂ ရက် နံနက် ၁၀နာရီတွင် ယင်းရဲစခန်းကို The Blood Line အဖွဲ့က တိုက်ခိုက်ခဲ့ခြင်းဖြစ်ပြီး အဖွဲ့သားအားလုံးဘေးကင်းသည်ဟု အတည်ပြုသည်။
Public Service Announcement
The Blood Line အဖွဲ့အနေဖြင့် ယခင်ကလုပ်ဆောင်ခဲ့သည့် စစ်ဆင်ရေးများကို သတင်းထုတ်ပြန်ခြင်းမရှိသော်လည်း လက်ရှိအချိန်တွင် အဖွဲ့ရပ်တည်ရေးအတွက် ခက်ခဲလာသောကြောင့် သတင်းထုတ်ပြန်ရခြင်းဖြစ်သည်ဟု The Blood Line က အသိပေးထားသည်။
“အရှေ့မှာ ၅ကြိမ်လောက်လုပ်ဖူးပါတယ်ဗျ။၂၀၂၄မှာ မြဝတီဘဏ် လက်ပစ်ဗုံးနဲ့ပစ်တာလဲ ကျနော်တို့ပါဗျ အဲ့တုန်းကလဲ မဟာမိတ်အဖွဲ့နာမည်ထုတ်ခိုင်းတာပါဗျ။နောက်ပြီး ရွာမ အုပ်ချုပ်ရေးမှူးရုံးလဲ ကျနော်တို့ပဲဗျ”ဟု တာဝန်ခံရဲဘော်က ပြောသည်။
