ကျော်ဇော/People’s Spring
စစ်ကိုင်းတိုင်း၊ ချောင်းဦးမြို့နယ်တွင် စစ်ကောင်စီလက်အောက်ခံ စစ်သား၊ ရဲနှင့် ပျူစောထီးများအထိုင်ချတပ်ဆွဲထားသော ကံဇီးပျူစောထီးကျေးရွာ စခန်းသိမ်းတိုက်ပွဲအတွင်း ရန်သူ့ဘက်မှ ၁၅ ဦးသေပြီး သုံ့ပန်းအဖြစ် ၃၀ကျော်အရှင်ဖမ်းမိခဲ့ကြောင်း ပူးပေါင်းတပ်ဖွဲ့တွင်ပါဝင်သည့် မုံရွာခရိုင် အမှတ်(၈)တပ်ရင်းမှ ဗိုလ်ဒေါင်းမင်းက လူထုနွေဦးသို့ ပြောသည်။
စက်တင်ဘာ ၁၉ ရက် နံနက် ၇ နာရီခွဲခန့်က ချောင်းဦးမြို့နယ်၊ ကံဇီးပျူစောထီးရွာအား မုံရွာခရိုင် တပ်ရင်း (၅၊ ၈၊ ၉၊ ၁၀၊ ၁၂၊ ၁၅၊ ၁၇ )မှ ဦးဆောင်၍ ခရိုင်(ခရိုင်)ပကဖ၊ မုံရွာခရိုင်တပ်ရင်း (၃)၊ မုံရွာခရိုင်တပ်ရင်း (၂၄)တို့ပူးပေါင်း တိုက်ခိုက်သိမ်းပိုက်နိုင်ခဲ့ခြင်းဖြစ်သည်။
Public Service Announcement
“တိုက်ခိုက်ချိန်က ၂ နာရီလောက်ပဲ။ သိပ်မကြာလိုက်ဘူး”ဟု မုံရွာခရိုင် တပ်ရင်း(၈)မှ ဗိုလ်ဒေါင်းမင်းက ပြောသည်။
အဆိုပါ ပျူစောထီးစခန်းသိမ်းတိုက်ပွဲအတွင်း ရန်သူ့ လက်နက်ခဲယမ်းများသိမ်းဆည်းရရှိခဲ့ရာ သေနတ်အရှည် ၁၀လက်နှင့် ခဲယမ်းများ၊ စစ်အသုံးအဆောင်ပစ္စည်းများပါဝင်သည်ကို ဓာတ်ပုံမှတ်တမ်းများတွင် တွေ့ရပြီး တော် လှန်ရေးပူးပေါင်းတပ်များဘက်မှ ရဲဘော်နှစ်ဦး ထိခိုက်ဒဏ်ရာရခဲ့ကြောင်း အမှတ်(၈)တပ် ရင်းထံမှ သိရသည်။
စခန်းသိမ်းစစ်ဆင်ရေးအား ချောင်းဦးမြို့နယ် အခြေစိုက်တပ်ရင်းများအနေဖြင့် မြို့ နယ်အတွင်းရှိ ဒေသခံ တော်လှန်ရေးတပ်များ၊ မြို့နယ်(ပအဖ)၊ မြို့နယ်(ပလဖ)၊ ခရိုင် (ပကဖ)များနှင့် ဟန်ချက်ညီစွာ လက်တွဲလျက် စည်းလုံးညီးညွတ်စွာဖြင့် ရန်သူစစ်ကောင်စီတပ်များကို တော်လှန်တိုက်ပွဲဝင် လျက်ရှိကြောင်း အသိပေးသည်။
“စုဖွဲ့မှု ကောင်းမွန်စွာဖြင့် တပ်ရင်း (၇)ရင်းမှ ဦးဆောင်ကာ မြို့နယ်တွင်း စစ်ဆင်ရေးများအား ဦးဆောင် အကောင်အထည်ဖော်သွားမည်”ဟုလည်း အဆိုပါတပ်ရင်းများက ထုတ်ပြန်ထားသည်။
စစ်ဘက်ဆိုင်ရာ သတင်းလုံခြုံရေးနှင့် စစ် စည်းကမ်းများအရ အချို့သော တိုက်ပွဲသတင်းများအား မထုတ်ပြန်ခြင်း၊ လှုပ်ရှားဆောင်ရွက်နေမှုများအား အသိမပေးခြင်းများအပေါ် နားလည်သည်းခံ၍ ဝန်းရံအားပေးကြပါရန်လည်း မေတ္တာရပ်ခံထားသည်။
ထို့အပြင် ချောင်းဦးမြို့နယ်တွင်း စစ်ရေးကိစ္စများ၊ စစ်ဆင်ရေးကိစ္စများအားလည်း မြို့နယ် တပ်ရင်းများနှင့် ခရိုင်ပကဖ၊ မြို့ နယ် ပအဖ၊ ပလဖ များ၊ မိတ်ဖက် Local တပ်ပေါင်းစုများမှ တပြိုင်နက် တပြေးညီအသိ ပေးထုတ်ပြန်မှသာ အတည်ပြုမှတ်ယူကြပါရန် တပါတည်း အသိပေးထားသည်။
