“Sumqayıt” bu gün Konfrans Liqasının 2-ci təsnifat mərhələsində ilk oyununu keçirib.
Gununsesi.info xəbər verir ki, Samir Abasovun komandası evdə Macarıstan “Fehervar”ını qəbul edib.
Mehdi Hüseynzadə adına Sumqayıt şəhər stadionunda keçirilən görüş “Fehervar”ın 2:1 hesablı qələbəsi ilə başa çatıb.
Bu cütün qalibi 3-cü raundda “Omoniya” (Kipr) – “Torpedo” Kutaisi (Gürcüstan) cütünün güclüsü ilə qarşılaşacaq.
Qeyd edək ki, “Sumqayıt”la “Fehervar” arasında cavab matçı iyulun 31-də Macarıstanda oynanılacaq.
Konfrans Liqası, ilk oyunlar
25 iyul
20:00. “Sumqayıt” (Azərbaycan) – “Fehervar” (Macarıstan) – 1:2
Qollar: Səbuhi Abdullazadə, 20 (1:0), Tobyas Kristensen, 39 (1:1), Ksaba Spandler, 52 (1:2)
Qırmızı vərəqə: Murad Xaçayev, 32 (“Sumqayıt”)
Hakimlər: Florian Lata, Xulio Mani, Reydi Zaimi, Kreşnik Çyapi (Albaniya)
Mehdi Hüseynzadə adına Sumqayıt şəhər stadionu
