နိုဝင်ဘာ-၅၊၂၀၂၅။ သုည/People’s Spring
မန္တလေးမြို့မှာ သပိတ်အင်အားစုမှ တော်လှန်ရဲဘော်တွေက ဦးဆောင်ပြီး တန်ဆောင်တိုင်ပံ့သကူ လှုပ်ရှားမှု ဒီကနေ့ (နိုဝင်ဘာ ၅) ပြုလုပ်ခဲ့ပါတယ်။
တော်လှန်ရေးရဲဘော်တွေက “ သင့်မဲဖြင့် တရားဝင် လူသတ်ခွင့် မပေးနဲ့” ၊ “ ဖက်ဆစ်ရွေးကောက် ခွေးထွက်ပေါက် မဲမပေးနဲ့ သပိတ်မှောက်” ၊ “ No Votes Under Guns – Reject the Juntas Sham” ၊ “ Say No, Just Trap Myanmars Sham Election Crap” စတဲ့ စာသားပါ ပံ့သကူစာအိတ်တွေကို လူနေရပ်ကွက်တွေကြား၊ လမ်းမတွေ၊ ဘုရားစေတီတွေနဲ့ ရဲစခန်းရှေ့ပါမကျန် မြို့အနှံ့မှာ တော်လှန်ရေးသတင်းစကားပါတဲ့ ပံ့သကူတွေကို ကြဲချခဲ့ကြပါတယ်။
မန္တလေးသူ၊ မန္တလေးသားများရဲ့ ယဉ်ကျေးမှု အလှူအတန်းဖြစ်တဲ့ ပံ့သကူပစ်တဲ့ ဓလေ့ကို တော်လှန်ရေးအသိနဲ့ ပေါင်းစပ်ပြီး တော်လှန်ရေးသတင်းစကားတွေနဲ့တကွ ပံ့သကူအဖြစ် ပစ်ခဲ့ကြကြောင်း သပိတ်အင်အားစုက ဆိုပါတယ်။
Public Service Announcement
ဓာတ်ပုံ – မန္တလေးသပိတ်အင်အားစု
