ပဲခူးတိုင်း၊ ကြို့ပင်ကောက်မြို့နယ်၊ ဥယျာဥ်ကြီးကျေးရွာအုပ်စုသို့ ပလပ်စတစ်ကောက်သူ(ဝဲတဲ)ဟန်ဆောင်ကာ တော်လှန်ရေးတပ်ဖွဲ့များ၏တပ်စခန်းနေရာအား လာရောက်စုံစမ်းသော စစ်ကောင်စီ တပ်ကြပ်ကြီးတစ်ဦးကို တားဆီးစစ်ဆေးစဥ် ခုခံထွက်ပြေးသဖြင့် ပစ်ခတ်ခဲ့ကြောင်း သာယာဝတီခရိုင် တပ်ရင်း ၃၈၀၁၊ တပ်ခွဲ ၁ YOMA(GBK)PDF မှ တပ်ခွဲမှူးကရင်လေးကပြောသည်။
ယနေ့(မတ်လ ၁၅ ရက်)နေ့လယ်၂ နာရီခန့်ကဥယျာဥ်ကြီးအုပ်စု၊ ဥယျာဥ်ကြီးကျေးရွာအနီးတော်လှန်ရေးရဲဘော်များက လုံခြုံရေးယူကင်းစောင့်နေစဥ် အရပ်ဝတ်ဖြင့် ဝဲတဲကောက်သူအသွင်ဟန်ဆောင်ထားသည့် စစ်ကောင်စီတပ်ကြပ်ကြီး ဇေယျာထက်ဆိုသူအား တားဆီးစစ်ဆေးခဲ့သည်ဟုဆိုသည်။
ထိုစဥ် ဇေယျာထက်၏ လက်ကိုင်ဖုန်းအတွင်း ၎င်းအား စစ်တပ်ယူနီဖောင်းဝတ်ကာ လက်နက်ကိုင်ဆောင်ထားသည့်ပုံများ၊ စစ်သင်တန်းဆင်းပုံများတွေ့ရှိခဲ့ရာ စစ်ကောင်စီတပ် ကြပ်ကြီးဇောယျာထက်မှ တော်လှန်ရေးရဲ ဘော်အချို့ကို ခုခံထွက်ပြေးရာ ပစ်ခတ်ဖမ်းဆီးခဲ့ရာပွဲချင်းပြီးသေဆုံးသွားကြောင်း YOMA(GBK) PDF က အသိပေးသည်။
Public Service Announcement
“ဒီကောင်က ရှေ့တန်းတစ်နေရာမှာ ကျနော်တို့ရဲဘော်တွေ မိုင်းကွင်းတွေဆင်နေတဲ့အချိန်မှာ ဆိုင်ကယ်တဝှီးဝှီးနဲ့ သွားလာနေတာဗျ။တစ်ကြိမ်လည်းမဟုတ်နှစ်ကြိမ်လည်းမဟုတ်ဆိုတော့သတိထားမိပြီး မသင်္ကာလို့ တားဆီးစစ်ဆေးတာကို ဒီကောင်က အူကြောင် ကြောင်လုပ်နေတာဗျ။ အဲဒါနဲ့ စစ်ဆေးတဲ့ရဲဘော်က ခင်ဗျားမှာ ဖုန်းပါလား ခဏပြပါဆို စစ်ဆေးတဲ့အချိန်မှာ စစ်တပ်ယူနီဖောင်းအပြည့်အစုံနဲ့ လက်နက်ကိုင်ပြီးရိုက်ထားတဲ့ပုံတွေ၊ သင်တန်းဆင်းပုံတွေ၊ ရှေတန်းရောက်ပုံတွေ ရှာတွေ့တဲ့အချိန်မှာ ဒီကောင်က စစ်နေတဲ့ရဲဘော်ကို တွန်းလှဲပြီး ထွက်ပြေးတာ”ဟု စစ်ကောင်စီတပ်ကြပ်ကြီး ဇေယျာထက်နှင့်ပတ် သက်ပြီး YOMA(GBK)PDF တပ်ခွဲမှူး ကရင်လေးက လူထုနွေဦးသို့ ပြောသည်။
ထွက်ပြေးသွားသော တပ်ကြပ်ကြီးဇေယျာထက်အား လိုက်လံပစ်ခတ်ဖမ်းဆီးစဥ်ခြောက်ချက်ပစ်ခတ်ရာကျည်လေးချက်ထိမှန်၍ နေရာမှာပင် ပွဲချင်းပြီး သေဆုံးသွားကြောင်း ၎င်းတပ်ခွဲမှူးက ဆက်ပြောသည်။
တပ်ကြပ်ကြီးဇေယျာထက်သည် ကြို့ပင်ကောက်အခြေစိုက် စစ်ကောင်စီတပ်အရာရှိ အေးမင်းဦး၏ တပည့်ရင်းတစ်ဦးဖြစ် ကြောင်း စိစစ်တွေ့ရှိရပြီး ၎င်းထံမှ လက်ကိုင်ဖုန်းတစ်လုံးနှင့် ဆိုင်ကယ်တစ်စီး သိပ်ဆည်းရရှိခဲ့ကြောင်း YOMA(GBK)PDF က ထုတ်ပြန်ထားသည်။
