တမူးမြို့နယ်အတွင်း အိန္ဒိယ-မြန်မာနယ်စပ်အနီး၌ နာဂအမျိုးသားဆိုရှယ်လစ်ကောင်စီ (NSCN-K)တပ်ဖွဲ့ဝင်များက တိုက်ခိုက်၍ PDF တပ်ဖွဲ့ဝင် ၃၀ ကျော်သေဆုံးကြောင်း India Today NEက သတင်းမှားဖော်ပြခဲ့ပြီးနောက် ပြန်ဖြုတ်ချသွားသော်လည်းစစ်ကောင်စီဝါဒဖြန့်ချိရေးမီဒီယာများက အဆိုပါသတင်းကို ဆက်လက်ဖြန့်ချီနေကြသည်။
NSCN-Kနှင့် ပြည်သူ့ကာကွယ်ရေးတပ်ဖွဲ့ (PDF)များသည် မတ်လ ၁၂ ရက်က တိုက်ပွဲဖြစ်ပွားခဲ့PDF တပ်ဖွဲ့တင်၃၂ ဦး သေဆုံးကာ ၅၀ ကျော် ဒဏ်ရာရရှိခဲ့ကြောင်းခြင်းဟု India Today NE သတင်းဌာနကမတ်လ ၁၃ရက်၌ ဖော်ပြခဲ့ခြင်းဖြစ်သည်။ NSCN-K ဘက်ကမူဗိုလ်ကြီးအဆင့် တစ်ဦး အပါအဝင် ၃ ဦး သေဆုံးခဲ့ကြောင်း India Today NE ကို ကိုးကား၍ ပြည်တွင်းအခြေစိုက် CNI သတင်းဌာနက မြန်မာဘာသာပြန်ဖော်ပြခဲ့သည်။
ထို့သို့ဖော်ပြပြီးနောက် India Today NE သတင်းဌာနက ပြန်လည်ဖြုတ်ချသွားခဲ့သည်။ သို့သော် CNI ကသတင်းဆက်လက်ဖော်ပြထားပြီး စစ်ကောင်စီဝါဒဖြန့်ချိရေး တယ်လီဂရန်များက အဆိုပါသတင်းကို မတ် ၁၄ ရက် ညတွင်ဖော်ပြနေကြသည်။
Public Service Announcement
စစ်ကောင်စီဝါဒဖြန့် တယ်လီဂရန်များက”နာဂလက်နက်ကိုင်အဖွဲ့ကလည်း ပဒက်ကို ကင်ထားတာ များသားပဲ” ဟု ရေးသား၍ CNI ဘာသာပြန်ထားသာ သတင်းကို Screen Shot လုပ်၍ ဝါဒဖြန့်ချီနေကြခြင်းဖြစ်သည်။ CNI သတင်းဌာနမှာ ၂၀၂၃ ခုနှစ်မှစ၍ ပြည်တွင်းအခြေစိုက် လုပ်ကိုင်နေသော သတင်းဌာနဖြစ်သည်။
တမူးဒေသမှ ပြည်သူ့ကာကွယ်ရေးတပ်ဖွဲ့ဝင်တစ်ဦးက “ဘာတိုက်ပွဲမှာမရှိပါဘူး။ ထမင်သက်သက်လော်ဘီလုပ်နေတာ” ဟု မတ်လ ၁၂ ရက်တွင် တမူး၌ တိုက်ပွဲမရှိကြောင်းပြောသည်။
တမူးမြို့ခံတဦးကလည်း အဆိုပါသတင်းသည်မှားယွင်းနေပြီးတိုက်ပွဲဖြစ်ပွားခြင်းမရှိဟုထပ်မံအတည်ပြုပြောကြားသည်။
တမူးမြို့နယ်စပ်တွင် အိန္ဒိယအစိုးရကိုတော်လှန်တိုက်ခိုက်နေသည့် NSCN-K ၊ Naga NSCN-IMအပြင် ကသည်းသူပုန်အဖွဲ့များရှိနေသည်။ ပြီးခဲ့သည့်ဖေဖော်ဝါရီလဆန်းက တမူးမြို့နယ်၊ ကျွန်းပင်သာနှင့် မင်းသာရွာတွင် ကသည်းသူပုန်အဖွဲ့ Meitei PLA ၊ Naga NSCN-IM နှင့် ရှမ်းနီ(SNA)အကူအညီဖြင့် တပ်စွဲထားသည့် စစ်ကောင်စီ စခန်းများကို အဆိုပါစခန်းများကို ဒေသခံ PDF များ ၊ ကူကီးအမျိုးသားတပ်မတော်KNA (B)နှင့်ပူးပေါင်းတပ်များက တိုက်ခိုက်ခဲ့သည်။
ယခုရက်ပိုင်းတွင် တမူးမြို့နယ် အတွင်းစစ်ရေးအခြေအနေငြိမ်သက်နေကြောင်းဒေသခံများကပြောသည်။
