Suu 80th Birthday Campaign အတွက် အမေရိကန်ပြည်ထောင်စုသို့ ရောက်ရှိနေသည့် ဒေါ်အောင်ဆန်းစုကြည်၏သားငယ် ကိုထိန်လင်းသည် နယူးယောက်မြို့ရှိ ကုလသမဂ္ဂဆိုင်ရာ မြန်မာသံရုံးသို့ ယနေ့ သွားရောက်ခဲ့သည်။
ကုလသမဂ္ဂဆိုင်ရာ မြန်မာသံရုံးတွင် သံအမတ်ကြီး ဦးကျော်မိုးထွန်းနှင့် တွေ့ဆုံခဲ့ပြီး ကိုထိန်လင်းက သံအမတ်ကြီးအတွက် Suu 80th Birthday အမှတ်တရထုတ်ဝေသော ပြက္ခဒိန်ကိုလက်ဆောင်ပေးအပ်ခဲ့သည်။
ကိုထိန်လင်းသည် မတ်လ ၁၃ ရက်က နယူးယောက်ရှိ ကုလသမဂ္ဂရုံးချုပ်တွင်ကျင်းပခဲ့သော UN Event ၌ မြန်မာနိုင်ငံမှာရှိသည့် စစ်ဘေးသင့်အမျိုးသမီးများ၊ ကလေးများခံစားရတဲ့ Post Trauma Stress Disorder (PTSD) အကြောင်းကို အလေးပေး ဆွေးနွေးခဲ့ကြောင်းသိရသည်။
Public Service Announcement
ထို့အပြင် လူသားချင်းစာနာထောက်ထားမှုဆိုင်ရာအကူအညီများ လိုအပ်လျက်ရှိသည့် လူဦးရေနှင့် လက်ရှိမြန်မာနိုင်ငံ၏ အသေးစိတ်အခြေအနေကိုလည်း တင်ပြဆွေးနွေးခဲ့ကြောင်းသိရသည်။
Suu 80th Birthday Campaign အတွက် မြန်မာပြည်သူများနှင့်တွေ့ဆုံပွဲကို မတ်လ ၁၅ ရက်တွင်ကျင်းပမည်ဖြစ်ပြီး ကိုထိန်လင်းနှင့်အတူ၊ ကုလသမဂ္ဂဆိုင်ရာမြန်မာသံအမတ်ကြီး ဦးကျော်မိုးထွန်း၊ အမျိုးသမီး၊ လူငယ်နှင့် ကလေးသူငယ်ရေးရာဝန်ကြီး နော်စူစန်နာလှလှစိုး၊ ဒေါ်အောင်ဆန်းစုကြည်၏စီးပွါးရေးအကြံပေး Sean Turnell တို့ တက်ရောက်ကြမည်ဖြစ်သည်။
