အမေရိကန်နိုင်ငံ ကယ်လီဖိုးနီးယားပြည်နယ် ဆန်ဖရန်စစ္စကိုမြို့တော်ခန်းမရှေ့တွင် ပြည်ပရောက် မြန်မာများက (၁၅၁)ကြိမ်မြောက် စစ်အာဏာရှင်ဆန့်ကျင်ရေး ဆန္ဒပြမှုကို ယနေ့ (ဖေဖော်ဝါရီ ၂၃) ပြုလုပ်ခဲ့သည်။
အဆိုပါဆန္ဒပြမှုတွင် “ငါတို့နိုင်မှ လွတ်မယ့်သူတွေအတွက် သံတိုင်အုတ်ရိုးကို လှုပ်နှိုးကြ” စာတန်းဖြင့် ပြုလုပ်ခဲ့ပြီး Free Burma Action Committee-Northern California က ဦးဆောင်ကာ နွေဦးတော်လှန်ရေး အင်အားစုများ၊ ကျောင်းသားအင်အားစုများ၊ တိုင်းရင်းသားအင်အားစုများနှင့် ထောက်ပို့ပြည်သူများ ပူးပေါင်းပါဝင်ခဲ့ကြသည်။
ဆန္ဒပြမြန်မာများက “တသံတည်းညီ တချီထဲရုန်း” ၊ “ဖက်ဆစ်စစ်တပ်အမြစ်ဖြတ်” ၊ “Free Burma” ၊ “Free Our Leader” ၊ “China Stop Supporting Burmese Military Junta”၊ “Ban Companies Delivering Jet Fuel” စသည့် စာသားများကိုင်ဆောင်ပြီး ဆန္ဒထုတ်ဖော်ခဲ့သည်။
Public Service Announcement
ထို့အပြင် ဆန္ဒပြသူများက ဆရာနိုင်မြန်မာ ရေးစပ်သီကုံးခဲ့သော လှောင်ချိုင့်ထဲက တေးသီချင်းကို သံပြိုင်သီဆို၍ ဆရာနိုင်မြန်မာကို ရည်စူးပြီး ဦးညွတ်ဂါဝရ ပြုခဲ့ကြသည်။
