တနင်္သာရီတိုင်း၊ မြိတ်ခရိုင်၊ ပုလောမြို့နယ် မှာ စစ်ကောင်စီခန့် အုပ်ချုပ်ရေးမှူး မိသားစု ၇ ဦး သတ်ဖြတ်ခံရတဲ့ဖြစ်စဉ်ကို ပြင်းပြင်းထန်ထန် ရှုတ်ချတယ်လို့ ပုလော PDF က ပြောလိုက်ပါတယ်။
အမျိုးသမီးတွေနဲ့အသက်မပြည့်သေးတဲ့ ကလေးငယ်တွေပါ ပါဝင်တဲ့အတွက် အစုလိုက် အပြုံလိုက် လူမဆန်စွာ သတ်ဖြတ်မှုဖြစ်တယ်လို့ ပုလော PDF က ဆိုထားပါတယ်။
ဖေဖော်ဝါရီလ ၁၁ ရက် ည ၈ နာရီခွဲက ပုလောမြို့နယ် ၊ပလောက်မြို့ ၊ကျောက်လုံးကြီးကျေးရွာအုပ်စု ၊အလယ်ကုန်းကျေးရွာ ရဲ့ စစ်ကောင်စီခန့် အုပ်ချုပ်ရေးမှူး ဦးမြင့်အောင်ရဲ့ နေအိမ်ကို လက်နက်ကိုင် လူတစ်စု ရောက်လာပြီး ကလေးငယ်တွေ အပါအဝင် မိသားစုဝင် ၇ ဦးကိုသတ်ဖြတ်သွားတာပါ။
လူသတ်မှု ဖြစ်ပွားခဲ့တာကို ကြားသိရပြီး အစုလိုက် အပြုံလိုက် လူမဆန်စွာ သတ်ဖြတ်သွားတဲ့ လူသတ်မှုနဲ့ပတ်သက်မှုမရှိဘူးလို့ ပုလော PDF က ဒီနေ့ မှာ ထုတ်ပြန်အသိပေးလာပါတယ်။
ပုလော PDF ဟာ ပြည်သူ့ကာကွယ်ရေးတပ်မတော် ၊ NUG အစိုးရ လက်အောက်ခံတပ်ဖြစ်ပြီး အရပ်သားတွေ ၊အမျိုးသမီးတွေနဲ့ ကလေးသူငယ်တွေအပေါ် မည်သို့ ပြုမှုဆက်ဆံရမှာကိုလေ့ကျင့်သင်ကြားထားပြီးဖြစ်တယ်လို့လည်း ထုတ်ပြန်ချက်မှာ ဖော်ပြထားတာတွေ့ရပါတယ်။
စစ်ကောင်စီလော်ဘီ လူမှုကွန်ရက်မှာတွေမှာ လူသတ်မှုကို PDF က ကျုးလွန်တာလို့ စွပ်စွဲထားကြပါတယ်။
လူသတ်မှုဖြစ်ပွားတဲ့ညမှာ အုပ်ချုပ်ရေးမှူး ဦးမြင့်အောင်ဟာ နေအိမ် မှာ ရှိမနေဘဲ. ဦးမြင့်အောင်ရဲ့ ဇနီး ၊သမီးနဲ့ မြေးမြစ်သူ ကလေးငယ်တွေအပါအဝင် မိသားစု ၇ ဦးလုံးအသတ်ခံရတာပါ။
