စစ်တပ်အာဏာသိမ်းမှုကြောင့်အကျပ်အတည်းတွေ့နေရတဲ့ မြန်မာ့အရေးကိုအာဆီယံ ကဖြေရှင်းရာမှာ ထိုင်းနိုင်ငံဟာ ပိုပြီးတက်တက်ကြွကြွ ပါဝင်ပေးဖို့ မလေးရှားဝန်ကြီးချုပ် က တိုက်တွန်းလိုက်ပါတယ်။
ဝန်ကြီးချုပ်တာဝန်ယူပြီးနောက် ထိုင်းနိုင်ငံဆီပထမဆုံးအကြိမ် လာရောက်တဲ့ မလေးဝန်ကြီးချုပ် အန်နဝါအီဘရာဟင်မ်က ထိုင်းဝန်ကြီးချုပ်နဲ့ တွေ့ဆုံအပြီး ပူးတွဲပြုလုပ်တဲ့သတင်းစာရှင်းလင်းပွဲမှာပြောလိုက်တာပါ။
ထိုင်းဟာ မြန်မာရဲ့အိမ်နီးချင်းဖြစ်ပြီး အာဆီယံရဲ့ စိုးရိမ်မှုတွေကို ထုတ်ဖော်ပြောဆိုဖို့အကောင်းဆုံးအနေအထားမှာရှိနေတယ်လို့ ထိုင်းဝန်ကြီးချုပ် ပရာယွတ်ကို မလေးဝန်ကြီးချုပ်က တိုက်တွန်းပါတယ်။
စစ်တပ်အာဏာသိမ်းမှုကြောင့်ဖြစ်ပေါ်လာတဲ့မြန်မာနိုင်ငံရဲ့နိုင်ငံရေးအကျပ်အတည်းဟာ ပြည်တွင်းရေးဖြစ်ပေမယ့်လည်း ဒေသတွင်းကို ဂယက်ရိုက်ခတ်မှုရှိနေတယ်လို့မလေးဝန်ကြီးချုပ်က ပြောပါတယ်။
မလေးဝန်ကြီးချုပ်ရဲ့တိုက်တွန်းမှုအပေါ် ထိုင်းဝန်ကြီးချုပ်က ပူးတွဲသတင်းစာရှင်းလင်းပွဲမှာ တုံ့ပြန်မှတ်ချက်ပြုတာမျိုးမရှိပါဘူး။
ထိုင်းဝန်ကြီးချုပ်ပရာယွတ်ဟာလည်း အာဏာသိမ်း ဗိုလ်ချုပ်ကြီးဟောင်းဖြစ်ပါတယ်။
ဒါအပြင် မြန်မာစစ်ကောင်စီနဲ့ ထိတွေ့ဆက်ဆံမှုတွေရှိနေတဲ့အတွက် ထိုင်းအစိုးရဟာ နိုင်ငံတကာရဲ့ဝေဖန်မှုတွေကိုလည်းကြုံနေရပါတယ်။
