စစ်ကိုင်းတိုင်း၊ မုံရွာနယ်အခြေစိုက် PDF တပ်များစုပေါင်းကာ “အနောက်မြောက်တိုင်း မဟာမိတ် PDF တပ်ပေါင်းစု”အဖြစ် ဖွဲ့စည်းလိုက်ကြောင်း၎င်းအဖွဲ့များကထုတ်ပြန်ကြေညာသည်။
ပြည်သူ့ကာကွယ်ရေးနှင့် တော်လှန်ရေးအဖွဲ့အစည်းများ စုစည်းညီညွတ်စွာ သဘောတူညီချက်များဖြင့် ဖွဲ့စည်းလိုက်ခြင်းဖြစ်ကြောင်း”အနောက်မြောက်တိုင်း မဟာမိတ် PDF တပ်ပေါင်းစု” ကယနေ့(ဇွန်လ ၁၈ရက်)နေ့တွင်အသိပေးသည်။
လက်ရှိ အချိန်အထိ “တပ်ရင်း (၄) ရင်း” စာ အင်အားဖြင့် ဖွဲ့စည်းတည်ထောင်လိုက်ကြောင်း အနောက်မြောက်တိုင်း မဟာမိတ် PDFတပ်ပေါင်းစုကအသိပေးကြေညာထားသည်။
တပ်ပေါင်းစုဖွဲ့စည်းရခြင်းနှင့်ပတ်သက်၍ အနောက်မြောက်တိုင်း မဟာမိတ် PDF တပ်ပေါင်းစုတွင်ပါဝင်သည့် People’s Defence Force – South Monywaအဖွဲ့၏ တာဝန်ရှိသူက “နီးစပ်ရာအဖွဲ့အစည်းတွေကိုတော့တိုင်ပင် ဖြစ်ကြပါတယ်။အဖွဲ့အကုန်တော့မပါသလိုအကုန်လည်းမ
ပါနိုင်ပါဘူးဗျာ။ ဘုံ သဘောတူညီချက်ကတော့ အားလုံးသိကြသလိုစစ်အာဏာရှင်စနစ် နိဂုံးချုပ်ရေးပေါ့။ ကျန်တာကတော့တစ်ဖွဲ့နဲ့ တစ်ဖွဲ့ တတ်နိုင်တာတွေကူညီကြအကြံပေးကြ ဖလှယ်ကြတာကစလို့စစ်ရေး ပူးပေါင်းဆောင်ရွက်မှုတွေအထိပဲပါတယ်ဆိုတာလောက်ကိုပဲ ပြင်ပကို ပြောပြနိုင်ပါတယ်ခင်ဗျ။”ဟုပြောကြားသည်။
အနောက်မြောက်တိုင်း မဟာမိတ် PDF တပ်ပေါင်းစုတွင် People’s Defence Force – South Monywa၊ Black Dragon – Special Task Force၊ Anyar Defence Force (A.D.F)၊ God of Monywa People’s Defence Force၊ Red Eagle People’s Defence Force၊ Golden Eagle Force – Monywa၊ Monywa Fighter Group (MFG) Excellent Flag Force၊ G.P.D.F People Revolution Army၊Dragon Brother People Defence’s Force၊ Zayar-7 Sagaing-ARA၊ Black Wolf People Defence Force၊ Monywa Ranger Group Truth Army၊ Monywa Red Peacock၊People’s Defence Force-Yar Za Than၊Springs Dove၊C.D.F & S.R.A
စသည့် အဖွဲ့အစည်း ၁၇ ဖွဲ့ ပါဝင်ထားကြသည်။
