close
Connect with us

Hi, what are you looking for?

သတင်း

ရန်ကုန်မှာမေလအတွင်း စစ်တပ်ကလူငယ်​တွေကိုအိမ်ပေါ်တက်ဆွဲတာ များလာတယ်လို့ RSN ပြော

မေလအတွင်းမှာ စစ်တပ်က စစ်မှုထမ်းဥပဒေအကြောင်းပြပြီး ပြည်သူတွေကို အိမ်ပေါ်အထိတက်ဆွဲတဲ့ ဖြစ်စဉ်တွေ များလာတယ်လို့ ရန်ကုန်မြေပြင်သတင်းတွေကို ဖော်‌ပြပေးနေတဲ့ Rangoon Scout Network-RSN အဖွဲ့ သတင်းတာဝန်ခံကပြောပါတယ်။

(အာဏာသိမ်းစစ်တပ်မှ အရာရှိ​တွေနဲ့ စစ်မှုမထမ်းမ​နေရဥပ​ဒေနဲ့ စု​​ဆောင်းထားတဲ့စစ်သားသစ်​တွေ။ ဓါတ်ပုံ-စစ်​ကောင်စီ)

မေ-၁၇၊၂၀၂၆။သတိုး/People’s Spring

မေလအတွင်းမှာ စစ်တပ်က စစ်မှုထမ်းဥပဒေအကြောင်းပြပြီး ပြည်သူတွေကို အိမ်ပေါ်အထိတက်ဆွဲတဲ့ ဖြစ်စဉ်တွေ များလာတယ်လို့ ရန်ကုန်မြေပြင်သတင်းတွေကို ဖော်‌ပြပေးနေတဲ့ Rangoon Scout Network-RSN အဖွဲ့ သတင်းတာဝန်ခံကပြောပါတယ်။

“ အခုရက်ထဲလူဆွဲတာတွေတော်တော်များလာပါတယ်။အိမ်ထဲထိစာရင်းနဲ့ဝင်ဆွဲတာတွေ၊ဧည့်စာရင်းကျော်နေလို့ဆိုပြီးဖမ်းတာတွေများလာပါတယ်” လို့ပြောပါတယ်။

မေ ၁၇ညမှာသာကေတမြို့နယ်၊ ၇အနောက်ရပ်ကွက်မှာ ဧည့်စာရင်းဝင်စစ်ပြီး ဧည့်စာရင်းရက်ကျော်တဲ့ အကြောင်းပြချက်နဲ့ အမျိုးသားနှစ်ဦးကို ဖမ်းဆီးသွားတယ်လို့ RSN က အသိပေးထားပါတယ်။

Public Service Announcement

Public Service Announcement

အလားတူမြောက်ဥက္ကလာ၊ ည ရပ်ကွက်၊ဘုမ္မာ ၂၀ လမ်းထဲမှာလည်း ယမန်​နေ့(မေလ ၁၇ )ည၁၀ နာရီခွဲခန့်မှာ စစ်​ကောင်စီလက်​အောက်ခံလက်နက်ကိုင်​တွေနဲ့ အုပ်ချုပ်​ရေးအဖွဲ့​တွေက ဧည့်စစ်ဝင်စစ်တယ်ဆိုပြီး အမျိုးသား ၃ ဦးကို ဖမ်းဆီးခေါ်ဆောင်သွားတယ်လို့ RSN က​ဖော်ပြပါတယ်။ ဒါ​ကြောင့် ​မေ ၁၇ ည တစ်ရက်တည်းမှာ ရန်ကုန်မှာ အနည်းဆုံး ငါးဦးဖမ်းဆီးခံရတာဖြစ်ပါတယ်။

သာ​ကေတမှာဖမ်းဆီးခံရသူ​တွေဟာ ပန်းရံ လုပ်တဲ့သူတွေဖြစ်ပြီး ရပ်ကွက်ရုံးမှာ ဖမ်းဆီးခံထားရတယ်လို့ ဆိုပါတယ်။

ဒါအပြင် ​မေ ၁၇ ညမှာပဲ မရမ်းကုန်းမြို့နယ် ၂ ရပ်ကွက် အလယ်ဗဟိုလမ်းမှာလည်း ဧည့်စာရင်းဝင်စစ်ပြီး သန်းခေါင်း‌စာရင်းတွေနဲ့ တိုက်စစ်ကာ လူများတဲ့ အခန်းတွေကို ဓာတ်ပုံရိုက်သွားတယ်လို့ RSN က အသိပေးထားပါတယ်။

​မေလထဲမှာဒဂုံမြို့သစ်မြောက်ပိုင်း ၊ဒဂုံမြို့သစ်တောင်ပိုင်း နဲ့ သာကေတမြို့နယ်တွေမှာ အထက်ပါအကြောင်းအရင်းတွေနဲ့ ဖမ်းဆီးခံရသူတွေ များတယ်လို့ RSN ရဲ့ သတင်းတာဝန်ခံကပြောပါတယ်။

ပြီးခဲ့တဲ့ရက်က လှိုင်မြို့နယ် မှာလည်း စစ်မှူထမ်းစာရင်းပါလို့ တိုက်ခန်းတွေ ပေါ်အထိတတ်ပြီး လူရှာဖွေတာတွေရှိခဲ့တယ်လို့ ဒေသခံတဦးကပြောပါတယ်။

“ စစ်မှုထမ်းစာရင်းနဲ့လာဆွဲတာလို့ ကြားတယ်။ ပါသွားတယ်၊မပါသွားဘူးကတော့ သေချာမသိရဘူး” လို့ ပြောပါတယ်။

ပြည်သူတွေကို RSN တာဝန်ရှိသူက “ ရပ်ကွက်ထဲ နားစွင့်ထားကြဖို့ နဲ့ တခုခုကြားတာနဲ့ ယာယီရှောင်နေလို့ရအောင် အဆင်သင့်ပြင်ထားကြဖို့ ပြောချင်ပါတယ်ဗျ။” လို့ အကြံပြုပါတယ်။

စစ်တပ်က နိုင်ငံတစ်ဝန်းဆုံးရှုံးထားတဲ့​ဒေသ​တွေကိုစစ်​ကြောင်း​တွေအများကြီးပို့ပြီး တန်ပြန်ထိုးစစ်ဆင်​နေတာမှာ စစ်မှုထမ်းသင်တန်းဆင်းစစ်သားသစ်​တွေကို ​ရှေ့က​နေအ​သေခံ တက်ခိုင်းပြီးတိုက်​နေတာ​ကြောင့် ပြည်သူ​တွေ စစ်သားသစ်စု​ဆောင်းမခံရ​အောင် ၊​ပေါ်တာဆွဲမခံရ​အောင် သတိထားပြီး ပါးပါးနပ်နပ်​နေထိုင်ကြဖို့ ​တော်လှန်​ရေးတပ်ဖွဲ့ဝင်​တွေကလည်းအကြံပြုထားပါတယ်။

ဆက်စပ်သတင်းများ

သတင်း

ရန်ကုန်မြစ်ဝအနီးကို ဗဟိုပြုပြီး ဒီ​နေ့မနက်မှာ ရစ်ခ်တာစကေး ၅ ဒဿမ ၃ အဆင့်ရှိတဲ့ငလျင်ကြောင့်လှုပ်ခတ်သွားပြီး ရန်ကုန်မြို့နယ်အများစုမှာ သိသာတဲ့ငလျင်ဒဏ်ခံစားခဲ့ရပါတယ်။

သတင်း

ကချင်ပြည်နယ်၊ ဖားကန့်ဒေသမှာဒီနေ့၊နေ့လယ်ပိုင်းကလုံးခင်းကျေးရွာအုပ်စုရှိနေအိမ်ပေါ် လက်နက်ကြီးကျရောက် ပေါက်ကွဲမှုအတွင်း အမျိုးသမီး ၃ ဦးသေဆုံးပြီး ၂ဦးဒဏ်ရာရရှိခဲ့တယ်လို့ဒေသခံတွေက ပြောပါတယ်။

သတင်း

သီလရှင်တစ်ပါးအပါအဝင် ၂ ဦး ဒဏ်ရာရ၊ ဘုန်းကြီးကျောင်း အဆောက်အအုံတွေနဲ့ လူနေအိမ် ၁၀ လုံးထက်မနည်း ပျက်စီး

သတင်း

စစ်တပ်က တပ်မ ၄ခုအထိသုံးပြီး မကွေးတိုင်း၊ဆိပ်ဖြူမြို့နယ်က ကာကွယ်ရေးပစ္စည်းစက်ရုံ(ကပစ) တွေကို အင်အားထပ်ဖြည့်နေတယ်လို့ မြေပြင်သတင်းရင်းမြစ်တွေက ပြောပါတယ်။

Facebook