မေ-၁၆၊ ၂၀၂၆။ထားမြတ်/People’s Spring
ချင်းပြည်နယ်၊ ဟားခါးမြို့နယ် အခြေစိုက် ချင်းဒေသကာကွယ်ရေးတပ်(CDF)-ဟားခါး တပ်ဖွဲ့တွင်း ဦးဆောင်သူအချင်းချင်း ပစ်ခတ်မှုမှာ အဖွဲ့ ဒုဥက္ကဋ္ဌဟောင်း ဆလိုင်းဆန်းလင်းကွယ်လွန်သွားခဲ့ပါတယ်။
မနေ့က မေလ ၁၅ရက်မှာ CDF ဟားခါး အထွေထွေအတွင်းရေးမှူး ဆလိုင်းဇကျုံးလျန်နဲ့ဒုဥက္ကဋ္ဌဟောင်း ဆလိုင်းဆန်လင်း တို့ စကားများရာက ပစ်ခတ်မှု ဖြစ်ခဲ့တာလို့ချင်းသတင်းရင်းမြစ်တွေ ချင်းသတင်းဌာနတွေက ဖော်ပြထားပါတယ်။
ချင်းပြည်ကောင်စီ အဖွဲ့ဝင် တော်လှန်ရေးတပ်ဖွဲ့ဖြစ်တဲ့ ချင်းအမျိုးသားတပ်ဦး(CNF) ပြောရေးဆိုခွင့်ရှိသူ ဆလိုင်းထက်နီကလည်း ဖြစ်စဉ်နဲ့ပတ်သက်ပြီး People’s Spring ရဲ့ မေးမြန်းချက်ကို အတည်ပြုပေးပါတယ်။
Public Service Announcement
“အချင်းချင်း စကားများရာကနေ ဖြစ်သွားတာပါ” လို့ ဆလိုင်းထက်နီက ပြောပါတယ်။
CDF ဟားခါးဟာ ချင်းပြည်ကောင်စီ အဖွဲ့ဝင် ဒေသကာကွယ်ရေးတပ်ဖွဲ့ဖြစ်ပါတယ်။
အခုလိုအချင်းချင်းပြဿနာကို လက်နက်နဲ့ ဖြေရှင်းတာဟာ အရေးယူရမယ့်ကိစ္စဖြစ်တယ်လို့လည်း ပြောပါတယ်။
“အဓိက အဖွဲ့အစည်း(CDF ဟားခါး)ရဲ့ စည်းမျဉ်း ဥပဒေ စစ်ဥပဒေတွေ ကျစ်လစ်ခိုင်မာဖို့လိုတယ်။ ကျစ်လစ်ခိုင်မာဖို့ ဆိုရင် လေးစားလိုက်နာဖို့ အရေးကြီးတယ်ပေါ့”လို့ ဆလိုင်းထက်နီက ပြောပါတယ်။
CDF ဟားခါးဟာ အာဏာသိမ်းစစ်ကောင်စီတပ်ကို အထိနာအောင် တိုက်ပွဲပေါင်းများစွာ ဆင်နွှဲခဲ့တဲ့ နွေဦးတော်လှန်ရေးမှာ ပေါ်ပေါက်လာတဲ့ ဒေသကာကွယ်ရေးတပ်ဖွဲ့ဖြစ်ပါတယ်။
