ဧပြီ-၁၆၊၂၀၂၆။တေဇ/People’s Spring
ကရင်ပြည်နယ်၊ ဘားအံမြို့နယ် မြိုင်ကလေးမှာ သင်္ကြန်ပွဲလာရောက်ဖျော်ဖြေတဲ့ ဇာတ်ပို့သရုပ်ဆောင်မင်းဇော် ဖျော်ဖြေရေးစင်မြင့်မှာလဲကျရာက ဦးနှောက်သွေးကြောပြတ်ပြီး သေဆုံးသွားတယ်လို့ ဒေသခံတွေက ပြောပါတယ်။
“ ကိုယ့်မျက်စိရှေ့တွင် သီချင်းဆိုရင်းလဲကျသွားတာ။ မိသားစုနဲ့အတူထပ်တူစိတ်မကောင်းဖြစ်မိပါတယ်” လို့ မနေ့ည(ဧပြီ ၁၅)သင်္ကြန်အကြတ်နေ့က အခြေအနေကို ဒေသခံတစ်ဦးက ပြောပါတယ်။
မင်းဇော်က ဒီနေ့(ဧပြီ ၁၆) နံနက် ၂နာရီခွဲခန့်မှာ ကွယ်လွန်သွားတာဖြစ်ပြီး သူ့ရဲ့ရုပ်အလောင်းကို
Public Service Announcement
ဘားအံပြည်သူ့ဆေးရုံကနေ ရေဝေးသုဿန်ကို နေ့ချင်းပို့ဆောင် သင်္ဂြိုလ်မယ်လို့ သိရပါတယ်။
ရာသီဥတု ပူပြင်းမှုဒဏ်ကြောင့် ဖြစ်နိုင်တယ်လို့ ဒေသခံတစ်ဦးက မှတ်ချက်ပေးပါတယ်။
မင်းဇော်ကွယ်လွန်ချိန်မှာ အသက်(၅၃)နှစ်ရှိပြီဖြစ်ပြီး ဇာတ်ပို့သရုပ်ဆောင်တစ်ဦးဖြစ်သလို ဒါရိုက်တာအဖြစ်လည်း ဇာတ်ကားတွေ ရိုက်ကူးနေသူပါ။
