မြင်းခြံက တော်လှန်ရေးတပ်ဖွဲ့ ၃ဖွဲ့ပေါင်းပြီး ထနောင်းမြေစစ်ကြောင်း ဖွဲ့စည်း

မတ်၂၇/၂၀၂၅ မင်းညို၊ People’s Spring

မန္တလေးတိုင်း၊ မြင်းခြံမြို့နယ်အခြေစိုက်တပ်တွေဖြစ်တဲ့ Anyar Federal Task Force(AFTF)တပ်၊ Freedom Fighter Guerrilla Force(FFGF)နဲ့ 8 STARS မြင်းခြံပြောက်ကျားတပ်ဖွဲ့တို့ဟာ ဒီကနေ့ မတ်လ ၂၇ ရက်ကစပြီး “ထနောင်းမြေစစ်ကြောင်း” အမည်နဲ့ စစ်ကြောင်းတရပ် ဖွဲ့စည်းလိုက်တယ်လို့ Anyar Federal Task Force(AFTF)တပ်ဖွဲ့ရဲ့ တာဝန်ရှိသူက ကိုရဲရန်က ပြော​ပါတယ်။

“ဒီထက်ပိုပြီးတော်လှန်ရေးကို ရှေ့ရောက်အောင်ပါ။ စုပေါင်းအားနဲ့ဆို ပိုရှေ့ရောက်တာပေါ့။”လို့ ကိုရဲရန်က ပြောပါတယ်။

ထနောင်းမြေ စစ်ကြောင်းဟာ ကာကွယ်ရေးဝန်ကြီးဌာန(MOD)ရဲ့ လက်အောက်မှာ မရှိပေမဲ့ MODရဲ့ လမ်းညွှန်ချပြထားတဲ့ စည်းမျဉ်းစည်းကမ်းတွေနဲ့အညီ စစ်ရေးအရှိန် မြှင့်တင်သွားမယ်လို့ တော်လှန်ရေးအဖွဲ့တွေက အသိပေးပါတယ်။ ဒါ့အပြင် စစ်ကြောင်းတစ်ရပ်ဖွဲ့စည်းလိုက်ချိန်ကစပြီး တော်လှန်ရေးပြီးဆုံးသည်အထိ မဟာမိတ်တွေနဲ့ စည်းလုံးစွာ တိုက်ပွဲဝင်သွားမယ်လို့ ထနောင်းမြေစစ်ကြောင်းက ထုတ်ပြန်ထားပါတယ်။

Public Service Announcement