မတ် ၂၄၊ ၂၀၂၅။ ရဲခေါင်/People’s Spring
ဒီးမော့ဆိုမြို့နယ်ပြည်သူ့ကာကွယ်ရေးတပ်မတော်(DMO Local PDF)၏ ပထမဆုံးအကြိမ် အရာရှိသင်တန်းဆင်းပွဲ ပြုလုပ်ခဲ့ကြောင်း အဆိုပါတပ်က အသိပေးထုတ်ပြန်သည်။
အမျိုး သားညီညွှတ်ရေးအစိုးရ (NUG) လက်အောက်ရှိ ပြည်သူ့ကာကွယ်ရေးတပ် ဒီးမော့ဆို PDF၏ အရာရှိသင်တန်း အပတ်စဥ်(၁)နှင့် တပ်သားသင်တန်း အပတ်စဥ် (၂၄)သင်တန်းဆင်းပွဲ အခမ်းအနားကို ယမန်နေ့(မတ်လ ၂၃ ရက်)က ပြုလုပ်ခဲ့ခြင်း ဖြစ်သည်။
သင်တန်းဆင်းပွဲတွင် အရာရှိနှင့်တပ်သား ၂၆၀ကျော်တက်ရောက်ပြီး သင်တန်းအား (၄၅) ရက်ကြာ ပြုလုပ်ခဲ့ကြောင်း ဒီးမော့ဆို PDFက အသိပေးသည်။
Public Service Announcement
ယမန်နေ့က သင်တန်းဆင်းခဲ့သည့် ဒီးမော့ဆို PDF၏ အရာရှိနှင့်တပ်သားများကို တွေ့ရစဥ်။ဓာတ်ပုံ – DMO Local PDF 
ယမန်နေ့က သင်တန်းဆင်းခဲ့သည့် ဒီးမော့ဆို PDF၏ အရာရှိနှင့်တပ်သားများကို တွေ့ရစဥ်။ဓာတ်ပုံ – DMO Local PDF 
ယမန်နေ့က သင်တန်းဆင်းခဲ့သည့် ဒီးမော့ဆို PDF၏ အရာရှိနှင့်တပ်သားများကို တွေ့ရစဥ်။ဓာတ်ပုံ – DMO Local PDF 
ယမန်နေ့က သင်တန်းဆင်းခဲ့သည့် ဒီးမော့ဆို PDF၏ အရာရှိနှင့်တပ်သားများကို တွေ့ရစဥ်။ဓာတ်ပုံ – DMO Local PDF 
ယမန်နေ့က သင်တန်းဆင်းခဲ့သည့် ဒီးမော့ဆို PDF၏ အရာရှိနှင့်တပ်သားများကို တွေ့ရစဥ်။ဓာတ်ပုံ – DMO Local PDF
“အရာရှိသင်တန်းက ပထမဆုံးအကြိမ်ပါ”ဟု ဒီးမော့ဆို PDF တာဝန်ရှိသူက လူထုနွေဦးသို့ ပြောသည်။
တပ်ခွဲမှူး၊တပ်စုမှူးနှင့် တပ်စိတ်မှူး စသည့် အရာရှိရဲဘော် ၆၀ ကျော်အား သင်တန်းဆင်းခဲ့ခြင်းဟုလည်း သိရသည်။
သင်တန်းဆင်းပွဲအခမ်းအနားသို့ ဒေသခံတာဝန်ရှိသူများ၊ CDM ဆရာဝန်များ၊ အလှူရှင်များ၊ တော်လှန် ရေးမှတပ်ဖွဲ့အသီးသီးနှင့် အလယ်ပိုင်းတိုင်းစစ်ဒေသမှ စစ်ဖက်ဆိုင်ရာ တာဝန်ရှိပုဂ္ဂိုလ်များ၊ လွှတ်တော်ကိုယ် စားလှယ်များမှတက်ရောက်ခဲ့ကြောင်း ဖော်ပြသည်။
NUG ကာကွယ်ရေးဝန်ကြီးဌာန ဝန်ကြီးဦးရည်မွန်က သင်တန်းဆင်းပွဲကို သဝဏ်လွှာ ပေးပို့ခဲ့သည်။
စစ်တပ်အာဏာသိမ်းပြီးနောက်ပိုင်း တည်ထောင်ဖွဲ့စည်းခဲ့သည့် ဒီးမော့ဆို PDFနှင့် ၎င်း၏ တပ်ခွဲများတွင် အင်အား ၂,၀၀၀ နှင့် ၃,၀၀၀ ကြားရှိနိုင်ကြောင်း ကရင်နီစစ်ဘက်သတင်းရင်းမြစ်များက ခန့်မှန်းထားသည်။
