Belçikanın Oudenaarde şəhərində böyük yolkanın aşması nəticəsində bir qadın ölüb, iki nəfər yaralanıb.
Gununsesi.info xəbər verir ki, bu barədə “Reuters” yerli hakimiyyət orqanlarına istinadən xəbər verir.
Belçika mediasında yayılan görüntülərdə parlaq işıqlandırılan 20 metrlik ağacın yavaş-yavaş əyildiyini və daha sonra şəhər meydanındakı karuselin yaxınlığındakı Milad bazarının yanına düşdüyünü göstərilib.
Şərqi Flandriya əyalət prokurorunun sözçüsü bildirib ki, ölən şəxs Oudenaarde şəhərindən olan 63 yaşlı qadındır. Eyni yerdə olan iki qadın yüngül xəsarət alıb.
Dünən axşam İngiltərə və Hollandiyada nəqliyyatın hərəkətini pozan Pia fırtınası, meteoroloji xidmətin sahilyanı ərazilər üçün sarı xəbərdarlıq verdiyi qərb Belçikada da şiddətlənir.
Daha əvvəl bildirilmişdi ki, transferlər üçün mühüm beynəlxalq mərkəz olan Amsterdamın əsas hava limanında pis hava şəraiti səbəbindən mindən çox reys ləğv edilib və ya təxirə salınıb.
Bundan əvvəl məlum olmuşdu ki, Norveçin “MS Maud” kruiz gəmisində Şimal dənizində dalğanın körpünün şüşələrini sındırması, gəminin naviqasiya qabiliyyətini itirməsi səbəbindən elektrik enerjisində fasilə yaranıb.
Bundan əvvəl onlar xəbərdarlıq etmişdilər ki, Britaniya adaları çərşənbə axşamı günü güclü fırtına ilə üzləşəcək və bu, logistikanı çətinləşdirə və elektrik enerjisinin kəsilməsinə səbəb ola bilər.
Gununsesi.info
