Beynəlxalq Qırmızı Xaç Komitəsi Yəməndə 17 milyondan çox insanın koronavirus pandemiyası dövründə təmiz suya möhtac qaldığını açıqlayıb.
Gununsesi.org bildirir ki, “Anadolu” agentliyi məlumat verir ki, komitə “Twitter” hesabında koronavirus təhlükəsinin davam etdiyi zamanda təmiz suyun əlyetərliyinin əvvəlkindən daha vacib olduğu vurğulayıb.
Yəmən Səhiyyə Nazirliyi, öz növbəsində, ölkədə yeganə koronaviruslu xəstənin sağaldığını açıqlayıb.
Qurumdan bildirilib ki, ölkədə koronavirusa yeni yoluxma halı aşkarlanmayıb.
Birləşmiş Millətlər Təşkilatının Humanitar Yardım Koordinasiya İdarəsi daha əvvəl COVID-19-un Yəməndə yayıldığını, lakin aşkar edilmədiyini bildirmişdi.
Gununsesi.org
COMMENTS