Misir İsrailin hücumlarının davam etdiyi blokadada olan Qəzzada “üç mərhələli atəşkəs” və bütün əsirlərin mərhələli şəkildə azad edilməsini nəzərdə tutan təklif edib.
Gununsesi.info-nun məlumatına görə, Səudiyyə Ərəbistanının “Əş-Şərq” internet saytına əsaslanan “The Times of Israel” qəzetinin xəbərində Misir və HƏMAS arasında keçən həftə Qahirədə keçirilən görüşlərdə iştirak edən mənbəyə istinad olduğu bildirilib.
Müvafiq olaraq, birinci mərhələdə 3 və ya 4 həftəyə qədər uzadıla bilən 2 həftəlik atəşkəsin nəzərdə tutulduğu, bu mərhələdə aralarında qadın, uşaq, qoca və xəstələrin də olduğu 40 israilli məhbusun çıxarılmasının planlaşdırıldığı bildirilib.
Bunun müqabilində İsrailin eyni kateqoriyadan olan 120 fələstinlini azad etməsi, sözügedən müddət ərzində “atəşkəs bərqərar etməsi” və “İsrail tanklarını Qəzzadan çəkərək bölgəyə humanitar yardım çatdırması” məqsədinin olduğu bildirilib.
İkinci mərhələdə fələstinli qruplar arasında görüşlərin keçiriləcəyi və “İordan çayının qərb sahilində və Qəzzada texnokratik hökumətin qurulmasının” müzakirə ediləcəyi iddia edilib.
Bildirilib ki, üçüncü və son mərhələ Qəzzadakı bütün israilli məhbusların azad edilməsi və “hərtərəfli atəşkəs” əldə edildikdən sonra sayı daha sonra müəyyən ediləcək fələstinli məhbusların azad edilməsidir.
“Bu mərhələdə İsrail öz qüvvələrini Qəzza zolağından çıxaracaq və bölgənin şimalındakı köçkün qəzzalıların öz evlərinə qayıtmasına icazə verəcək”.
Gununsesi.info
