Ukrayna Ali Radasının keçmiş deputatı Dmitri Svyataş Ukrayna sərhədlərinin dəyişdirilməsi çağırışına görə əmlakı müsadirə olunmaqla 12 il həbs cəzası alıb.
Gununsesi.info xəbər verir ki, bu barədə Ukrayna Baş Prokurorluğu məlumat yayıb.
Departamentdən bildirilib ki, məhkəmə siyasətçini Ukrayna sərhədlərinin dəyişdirilməsi çağırışlarını dərc etməkdə, əmlakın leqallaşdırılmasında və dələduzluqda təqsirli bilib.
İddia olunur ki, 2022-ci ildə Svyataş sosial şəbəkələrdə ukraynalıları xüsusi hərbi əməliyyat (SVO) zamanı Rusiya hakimiyyəti ilə əməkdaşlığa çağırıb.
“Keçmiş deputat Ukrayna ərazisinin sərhədlərinin dəyişdirilməsinə çağırışa görə 12 il müddətinə azadlıqdan məhrum edilib” – deyə Baş Prokurorluq vurğulayıb.
Siyasətçi həmçinin 2,2 milyard qrivna məbləğində ziyan vurmaqda ittiham olunub.
Bundan əvvəl Ukrayna Təhlükəsizlik Xidməti (SBU) Federasiya Şurasının sədri Valentina Matvienkoya qarşı qiyabi ittiham irəli sürüb.
İdarə Matviyenkonu Ukrayna Silahlı Qüvvələri (AFU) haqqında saxta məlumatlar yaymaqda ittiham edib.
Gununsesi.info
