ABŞ-ın Texas ştatında, Texas Tech Universitetinin Lubbock Kampusunda lyuklarda partlayış baş verib. Məktəb yaşıl alovlara səbəb olan partlayışlar səbəbindən müvəqqəti bağlanıb. Hadisə yerində qaz sızması ehtimalı araşdırılır.
Gununsesi.info xarici mediaya istinadən xəbər verir ki, ABŞ mətbuatında çıxan xəbərlərə görə, ştatın Lubbok şəhərindəki TTU şəhərciyində bir neçə lyuk partlayışı baş verib.
Hadisə yerinə sövq edilən Lubbock Yanğından Xilasetmə əməkdaşı Jon Tunnell bildirib ki, partlayış nəticəsində xəsarət alan olmayıb.
Qaz sızması ehtimalını qiymətləndirdiklərini qeyd edən Tunnell, kampusda “onlardan tüstü və yanğın çıxan çoxlu lyuk qapaqlarını” təsbit etdiklərini söylədi.
Sosial şəbəkələrdə yayılan videolarda lyukların qapaqlarından qalın neon yaşıl tüstünün çıxdığı görülüb.
Kampusun hər yerində yeraltı partlayışlar nəticəsində yanğınlar və elektrik enerjisinin kəsilməsi baş verib.
Polis sözçüsü Caitlynn Jeffries, partlayışların bütün kampusda elektrik kəsilməsinə səbəb olacağını və məktəbi bir neçə gün müddətinə bağlayacağını söylədi.
Dərslərin ləğv edildiyi kampusda işçilərdən bir müddət uzaqdan işləmələri istəndi.
Orxan
