Rusiyanın Ukraynaya müdaxiləsindən iki il sonra İsveçin bu gün Vaşinqtonda rəsmi olaraq NATO-ya qoşulacağı gözlənilir.
Gununsesi.info “Reuters” agentliyinə istinadən xəbər verir ki, İsveçin baş naziri Ulf Kristersson yekun sənədləri təqdim etmək üçün Vaşinqtonda olarkən, Ağ Ev prezident Co Baydenin NATO-nun vəziyyəti ilə bağlı çıxışından əvvəl verdiyi açıqlamada cümə axşamı İsveçin də qoşulacağını bildirib.
“İsveçin NATO-nun müttəfiqi olması ABŞ və müttəfiqlərimizi daha da təhlükəsiz edəcək”, – bəyanatda deyilir.
Kristersson bildirib ki, NATO-nun baş katibi Yens Stoltenberq ona bütün üzv dövlətlərin ölkənin üzvlük protokolunu qəbul etməsindən sonra İsveçin üzvlüyə rəsmi dəvət edildiyini bildirib.
“İsveç tezliklə NATO-nun 32-ci üzvü olacaq”, – deyə o, X sosial media platformasında yazıb.
İsveç hökuməti həmçinin ölkənin NATO-ya daxil olması ilə bağlı rəsmi qərarı cümə axşamı verəcəyini bildirib.
Gununsesi.info
