Gürcüstan parlamenti ölkədə akkreditə olunmuş diplomatları prezident Salome Zurabişvilinin impiçmenti məsələsi ilə bağlı iclasa dəvət etməkdən imtina edib.
Gununsesi.info xəbər verir ki, bu barədə Gürcüstan liderinin administrasiyası məlumat yayıb.
“Prezident administrasiyasının müraciətinə baxmayaraq, parlament Gürcüstanda akkreditə olunmuş diplomatik korpusu və prezidentin Konstitusiya Məhkəməsindəki nümayəndələrini impiçment məsələsini müzakirə etmək üçün dəvət etməkdən imtina edib”, – məlumatda deyilir.
Çərşənbə günü Gürcüstan parlamenti iclas keçirəcək, iclasda prezidentin impiçmenti məsələsinə baxacaq və həmin gün ona səs verəcək. Zurabişvili əvvəllər görüşdə iştirak etmək arzusunu bildirib.
Sentyabrın 16-da Gürcüstanın Konstitusiya Məhkəməsi prezidentin hökumətin icazəsi olmadan Avropa ölkələrinə işgüzar səfərlər edərək fundamental qanunu pozması barədə qərar çıxarıb.
Beləliklə, Konstitusiya Məhkəməsi konstitusiyanı pozduğuna görə prezidentin impiçmenti ideyasını dəstəkləyib. Səlahiyyətli orqanın qərarı impiçment məsələsinə səs verəcək parlamentə verilib. 150 deputatdan 100-ü impiçmentə səs verərsə, Zurabişvili vəzifəsindən kənarlaşdırılacaq.
Hakim “Gürcü Arzusu” – Demokratik Gürcüstan partiyası parlamentdə 90-dan az səsə malikdir.
Səid Əhmədli
Gununsesi.info
