Çin ABŞ-ı Yaponiyada orta mənzilli raketlərin (INF) yerləşdirilməsi planlarından imtina etməyə çağırır.
Gununsesi.info xəbər verir ki, bu barədə Çin Xarici İşlər Nazirliyinin rəsmi nümayəndəsi Lin Cian bildirib.
“Çin ABŞ-ı Yaponiyada INF yerləşdirmə planlarından imtina etməyə çağırır və müvafiq ölkələrə Vaşinqtonun bu cür hərəkətlər etməkdə əsl məqsədini aydın şəkildə başa düşməyi tövsiyə edir”, -deyə diplomat qeyd edib.
Lin Cian vurğulayıb ki, silahlanma yarışı “regional gərginliyi ciddi şəkildə artırır, həmçinin qlobal strateji tarazlığı və sabitliyi pozur”.
Qeyd edək ki, sentyabrın 10-da ABŞ-ın Yaponiyada əvvəllər Rusiya ilə Orta Mənzilli Nüvə Qüvvələri Müqaviləsi (INF Müqaviləsi) çərçivəsində qadağan edilmiş Typhon yerüstü raket sistemlərini yerləşdirəcəyi məlum olub.
