ABŞ-da ilk dəfə olaraq məhbusun azot qazı ilə edam ediləcəyi mübahisələrə səbəb olub.
Gununsesi.info xəbər verir ki, 2022-ci ildə Alabama ştatında onu öldürücü inyeksiya ilə edam etmək cəhdindən sağ çıxan Kenneth Eugene Smitin cümə axşamı təmiz azotla nəfəs almağa məcbur edilərək edam edilməsi planlaşdırılır.
Azot qazından ABŞ-ın heç bir ştatında ölüm hökmünün icrasında istifadə olunmayıb. Ən çox yayılmış edam üsulu olan öldürücü inyeksiyada istifadə edilən dərmanların tapılması getdikcə çətinləşdiyindən bəzi ştatlar edamların həyata keçirilməsi üçün yeni yollar axtarır.
İnsan haqları təşkilatları isə daha əvvəl heç vaxt istifadə olunmayan bu edam üsulunu insan təcrübələri ilə müqayisə edərək edamın dayandırılmasını tələb edirlər.
1989-cu ildə bir qadını öldürməkdə təqsirli bilinən Smit saatlarla damardaxili xətt tapılmadıqdan sonra 2022-ci ildə onu öldürücü inyeksiya ilə edam etmək cəhdindən sağ çıxıb. Smit indi ölkədə ilk dəfə sınaqdan keçiriləcək qazla inhalyasiya üsulu ilə edam ediləcək.
BMT-nin İnsan Haqları üzrə Ali Komissarlığı ilk dəfə mühakimə olunacaq azot qazı edamını “qeyri-insani işgəncə” kimi qiymətləndirib.
İllərdir həbsxanada edamını gözləyən Smit BBC-yə çox qorxduğunu və “Daim panik ataklarım var və arıqlayıram” deyərək edamın dayandırılmasını istəyib.
Alabama ştatı hökuməti azot qazının sürətlə huşunu itirməsinə səbəb olduğunu iddia etsə də, elm adamları bununla razılaşmır. Səhiyyə mütəxəssisləri vurğulayırlar ki, bu üsul məhbusu öldürmək əvəzinə komaya sala, hətta sızma nəticəsində başqa insanları da öldürə bilər.
ABŞ-da edamların ən yüksək olduğu ştatlardan biri olan Alabamada hazırda 165 nəfər ölüm hökmündədir. 2018-ci ildən bəri ştatda üç ölümcül inyeksiya cəhdinin uğursuzluğu mübahisə yaradıb.
Gununsesi.info
