မတ်-၁၇၊၂၀၂၆။ဇော်ရမ်း/People’s Spring
ကချင်ပြည်နယ်၊ ဖားကန့်မြို့နယ်၊ မှော်စီကျေးရွာမှာ ကျောက်စိမ်းတူးဖော်ရေး လုပ်ကွက်တစ်ခု ပြိုကျပြီး လူ ၅ဦးမနည်းမြေပိသွားပြီးကယ်ဆယ်ရေးလုပ်ငန်းတွေ လုပ်နေပါတယ်။
ဒီနေ့ မတ်လ ၁၇ရက် ညနေ ၃နာရီခွဲခန့်မှာ ပြိုကျတာဖြစ်ပါတယ်။
” ပါသွားတာ ၅ယောက်အနည်းဆုံးပဲ။ အခုက ဆွဲထုတ်နေတယ်။အသက်ရှင်လျက်ရဖို့ မလွယ်ပါဘူး” လို့ မှော်စီကျေးရွာ ဒေသခံတစ်ဦးက ပြောပါတယ်။
Public Service Announcement
မြေပြိုကျတဲ့အထဲပါသွားသူတွေရဲ့မိသားစုဝင်တွေက ကယ်ဆယ်ရေးလုပ်နေတဲ့နေရာမှာ လာစောင့်နေကြတယ်လို့ သိရပါတယ်။
ဖားကန့်ဒေသမှာ ပြီးခဲ့တဲ့ ဖေဖော်ဝါရီ ၁၆ရက်နဲ့ ၂၁ရက်မှာလည်း ကျောက်စိမ်းလုပ်ကွက်အတွင်း မြေပြိုကျခဲ့ပါတယ်။ ဖေဖော်ဝါရီ ၁၆ရက်က လုံးခင်းကျေးရွာအုပ်စု၊ မဒဲန်ယာန်ရွာက မြေပြိုမှုမှာ အမျိုးသား ၄ဦးပါသွားပြီး ချက်ချင်းကယ်ဆယ်ရေးတွေလုပ်ခဲ့လို့ ၂ဦးကို အသက်ရှင်လျက် ပြန်ကယ်နိုင်ခဲ့ပါတယ်။
ဖေဖော်ဝါရီ ၁၆ရက် ညကလည်း ဖားကန့်မြို့နယ် က ကုဋေမှော်မြေစာပုံပြိုကျလို့ ရေမဆေးရှာသူတွေ ထိခိုက်သေဆုံးမှုရှိခဲ့ပါတယ်။
သေဆုံးသူ ၂၀ဦးကနေ ၅၀ကြားအထိရှိနိုင် တယ် လို့ ဒေသခံတွေကပြောခဲ့ပေမယ့် ရှာဖွေကယ်ဆယ်ရေးကောင်းကောင်းမလုပ်နိုင်ခဲ့သလို ထိခိုက်သေဆုံးသူစာရင်းအတိအကျလည်း မသိကြရပါဘူး။
ဖားကန့်ဒေသမှာ ကျောက်စိမ်းတူးဖော်ရေးကုမ္ပဏီတွေက စွန့်ပစ်ထားတဲ့ မြေစာပုံတွေမှာ ကျောက်ရှာကြတဲ့ ရေမဆေးသမားတွေ သ်ိိန်းချီရှိပါတယ်။
ကျောက်စိမ်းတူးဖော်၏ လုပ်ကွက်တွေမှာ ဝန်ထမ်းအနေနဲ့ လုပ်ကိုင်သူတွေလည်းရှိပါတယ်။ မြေစာပုံပြိုကျမှုတွေ၊ လုပ်ကွက်မြေပြိုမှုတွေကြောင့် လူသေဆုံးမှုတွေလည်း မကြာခဏဖြစ်ပွားနေပါတယ်။
