ရောင်နီ / People’s Spring
တက္ကသိုလ်ဝင်တန်းစာမေးပွဲတွေကျင်းပနေချိန်မှာ ယက္ခမယ်တော်ကြီးဆီပွဲတွေနဲ့ အခုလိုစည်ကားနေတာကတောကတော့ ထုံးစံပါပဲ။
ရွှေတိဂုံ မြောက်ဘက်မုခ်က လောကပါလ ယက္ခမယ်တော်ကြီးရဲ့နန်းဟာ အပူများနေသူတွေအဖို့ စိတ်ဖြေရာဆိုလည်းမမှားပါဘူး။
မယ်တော်ကြီးဆီပွဲကပ်လိုက်ရင် အောင်မြင်တယ်၊ အထမြောက်တယ်၊ ဆုတောင်းပြည့်တယ်လို့ ယုံကြည်ကြသူတွေဟာ ငှက်ပျောသီး ၊ အုန်းသီးပွဲတွေကပ်ပြီး ဆုတောင်းကြတာပါ။
Public Service Announcement
တစ်ရက်ကိုအနည်းဆုံး ပွဲ ၇၀ ကနေ ၁၀၀ ကြားလာကပ်ကြပြီး အများဆုံးဆို တစ်ထောင်လောက်အထိရှိတယ်ပြောတယ်လို့ ရွှေတိဂုံရှိ သတင်းရင်းမြစ်ကဆိုပါတယ်။
အာဏာသိမ်းပြီးနောက်ပိုင်းမှာ လူငယ်တွေ နိုင်ငံခြားထွက်ဖို့ အလုပ်စာမေးပွဲဖြေဖို့ စတဲ့ အကြောင်းအရာစုံနဲ့ ပွဲကပ်သူတွေ အရင်ကထက်တောင်ပိုများလာပါတယ်။
လာကပ်သူတွေ အသင့်ကပ်နိုင်အောင် ငှက်ပျော်နဲ့အုန်းကို အသင့်ပွဲပြင်ပေးထားတာတွေလည်းရှိပါတယ်။
ကုန်ကျစားရိတ်ကလည်းအသင့်အတင့်ရှိပါတယ်။ငှက်ပျောငါးဖီးနဲ့ပွဲက တစ်သောင်းကျော်လောက်ရှိကာ သုံးဖီးနဲ့ဆိုရင် ၇၀၀၀ ၊ ၈၀၀၀ လောက်ရှိတာပါ။
မယ်တော်ကြီးနန်းမှာ ဆုတောင်းစကားတွေဆိုပြီး ပွဲကပ်ပေးတဲ့သူတွေလည်း ရှိပါတယ်။ ပွဲကပ်ချင်သူရဲ့ နေ့နံ ၊ တောင်းလိုတဲ့ဆုတွေကို ပြောပြရင်သူတို့က အာပေါင်အာရင်းသန်သန်နဲ့ဆုတောင်းပေးကြတာကိုလည်း တွေ့ရမှာဖြစ်ပါတယ်။
အခါကြီးရက်ကြီးတွေဆိုရင်လည်း လောကပါလမယ်တော်ကြီးရဲ့ နန်းက ဆုတောင်းသံတွေ နဲ့ လူတွေတိုးမပေါက်အောင်စည်ကားလေ့ရှိပါတယ်။
