Gürcüstanın beynəlxalq turizmdən əldə etdiyi gəlir rekord həddə çatıb.
Gununsesi.info xəbər verir ki, bu barədə Milli Turizm Administrasiyası məlumat yayıb. Agentliyin hesabatına görə, 2023-cü ilin yanvar-iyun aylarında, Gürcüstan beynəlxalq səyahətlərdən (turizmdən) 1 804 529 935 dollar gəlir əldə edib. Bu isə 2022-ci illə müqayisədə 661 999 720 ABŞ dolları (57,9%) artım demekdir.
Qeyd edək ki, 2023-cü ilin yanvar-iyun aylarında səyahətdən əldə olunan gəlirlərə görə ölkələr arasında Rusiya liderdir. Ümumilikdə, ilin birinci yarısında rusiyalı turistlər Gürcüstanda 482,1 milyon ABŞ dolları xərcləyib.
2023-cü ilin yanvar-iyun aylarında beynəlxalq səyahətçilərdən ölkələr üzrə əldə edilən gəlirləri aşağıda təqdim edirik:
Rusiya – 482,1 milyon dollar;
Türkiyə – 264 milyon dollar;
Aİ ölkələri – 215,7 milyon dollar;
İsrail – 148,2 milyon dollar;
Ukrayna – 101,8 milyon dollar;
Ermənistan – 67,3 milyon dollar;
Azərbaycan – 60,9 milyon dollar;
İran – 50,1 milyon dollar;
Belarus – 48,4 milyon dollar;
Səudiyyə Ərəbistanı – 22,1 milyon dollar.
