Yeni qazlaşdırılan Lerik rayonun Züvüç kəndində mavi yanacaqla ilk təchiz olunan sakinlərdən biri də Rövşən Məmmədovdur. Buna səbəb adıçəkilən abonentimizin 1-ci Qarabağ müharibəsi qazisi olmasıdır.
Rövşən Məmmədovun fərdi yaşayış evi isə şəhid ailələri və qaziləri daim diqqətdə saxlayan SOCAR “Azəriqaz” İB-nin vəsaiti hesabına qazlaşdırılıb. Bu məqsədlə Lənkəran RQİİ-nin rəhbər şəxsləri mavi yanacağın veriləcəyi ünvanda olublar.
Fərdi yaşayış evinə mavi yanacaq verildikdən sonra Birliyin rəhbər şəxsləri qazi ailəsinin digər qayğıları ilə maraqlanıblar.
