Qlobal neft tələbatındakı zəifləmə davam edəcək.
Gununsesi.org AZƏRTAC-a istinadən xəbər verir ki, bu barədə Beynəlxalq Enerji Agentliyinin (IEA) icraçı direktoru Fatih Birol deyib. O qeyd edib ki, qlobal neft tələbatı il ərzində zəif olacaq: “Qlobal neft tədarükü yaxşı səviyyədədir və gündəlik 1 milyon barreldən çox artım tempi var. IEA-ya görə, 2020-ci ildə neft tələbatının artım tempi gündəlik 1 milyon barreldən bir qədər çox olacaq. Bu proqnozlar isə əvvəlki gözləntilərdən daha aşağıdır. Neft istehsalçıları bazarda tədarük sabitliyini qorumaq üçün sutkada 1 milyon barreldən çox məhsul təmin edirlər”.
COMMENTS