Xamneyi İran Təhlükəsizlik Şurasının təcili iclasını çağırıb

İranın ali lideri Əli Xamneyi İranda vurulan Ukrayna təyyarəsi ilə bağlı araşdırmanın nəticələrini açıqlamağı tapşırıb.

Gununsesi.org Trend-ə istinadən xəbər verir ki, Ə.Xamneyi bununla əlaqədar Milli Təhlükəsizlik Ali Şurasının təcili iclasını çağırıb.

Qeyd olunur ki, ali lider havadan müdafiə sisteminin faciəvi səhvi barədə məlumatlandırıldıqdan sonra bu qərarı verib.

Ə.Xamneyi istintaq nəticələrinin şəffaf və ədalətli şəkildə açıqlanacağını bildirib.