İspaniya La Liqası derbi ilə bərpa olunacaq

Koronavirus pandemiyası üzündən dayandırılan İspaniya çempionatı iyunun 12-də bərpa olunacaq.

Gununsesi.org-un məlumatına görə, La Liqanın bərpadan sonrakı ilk matçı da müəyyənləşib.

Çempionatın yenilənmiş təqvimində növbəti matç Sevilya derbisi olacaq. “Sevilya” və “Betis” La Liqanın bərpasını rəsmiləşdirən matçda münasibətlərini aydınlaşdıracaq. Digər qarşılaşmaların təqvimi mayın 28-də açıqlanacaq.

Qeyd edək ki, hazırda “Sevilya” turnir cədvəlində 3-cü, “Betis” 12-cidir.