Gürcüstanın qərbində yerləşən Quriya vilayətinin Ozurqeti rayon məhkəməsi əlil həyat yoldaşını qətlə yetirən kişini 18 il müddətinə azadlıqdan məhrum edib.
Gununsesi.info Gürcüstan KİV-ə istinadən xəbər verir ki, bu barədə Gürcüstan Baş Prokurorluğunun məlumatında deyilir.
Məlumata görə, məhkəmə kişini ailə üzvünü – məhdud fiziki imkanlı həyat yoldaşını xüsusi amansızlıqla qətlə yetirməkdə təqsirli bilib.
Məhkəmə prosesində ittiham tərəfi sübut edə bilib ki, kişi 2023-cü il noyabrın 17-də sərxoş vəziyyətdə Ureki kəndində arvadını öldürüb.
Gununsesi.info
