Bu ilin yanvar-mart ayları ərzində Azərbaycan və Çin arasında ümumi dəyəri 423,876 min ABŞ dolları olan ticarət dövriyyəsi həyata keçirilib.
Gununsesi.org-un Dövlət Gömrük Komitəsinə istinadən verdiyi məlumata görə, bu, 2019-cu ilin birinci rübün göstəricisi ilə müqayisədə 120,606 min dollar və ya 22,15% azdır.
Bu ilin yanvar-mart ayları ərzində iki ölkə arasında həyata keçirilən ticarət dövriyyəsinin payı ümumi xarici ticarətin 6,19%-nə bərabər olub.
Birinci rübdə Azərbaycanın Çinə ixracının həcmi 70,869 min ABŞ dolları təşkil edib ki, bu da 2019-cu ilin eyni dövrü ilə müqayisədə 201,922 min dollar və ya 3,85 dəfə azdır.
Hesabat dövründə Azərbaycanın Çindən idxalı isə 353,077 min ABŞ dolları təşkil edib ki, bu da 2019-cu ilin üç ayının göstəriciləri iə müqayisədə 81,316 min ABŞ dolları və ya 29,93% çoxdur.
Azərbaycanın Çin ilə ixracdakı payı ümumi ixracın 1,68%-nə, idxaldakı payı isə ümumi idxalın 13,39%-nə bərabərdir.
COMMENTS