İyunun 21-də bərpası gözlənilən futbol üzrə Azərbaycan Premyer Liqasında cari mövsüm ləğv oluna bilər.
Gununsesi.org oxu.az-a istinadla xəbər verir ki, sportinfo.az saytı Peşəkar Futbol Liqasının (PFL) ölkə klublarına göndərdiyi məktubu dərc edib.
Məktubda bildirilib ki, hazırkı şərtlər altında klublar çempionatın davam etdirilib-etdirilməməsi ilə bağlı öz mövqelərin yazılı şəkildə PFL-ə göndərsinlər.
Çempionatın bərpasını istəyən klub hazırkı karantin rejimi ilə bağlı yarana biləcək bütün problemlərə isə özü cavabdeh olmalıdır.
Klublar bu gün artıq saat 16:30-dək öz fikirlərini PFL-ə bildirməli idi.
Qeyd edək ki, həftəsonları yaranan qadağalardan sonra Premyer Liqanın bərpası sual altına düşüb.
Gununsesi.org
COMMENTS