Azərbaycan-Ermənistan sərhədində 5 bala yaxın zəlzələ olub.
Gununsesi.info bu barədə Azərbaycan Milli Elmlər Akademiyası nəzdində Respublika Seysmoloji Xidmət Mərkəzinin Zəlzələlərin Tədqiqatı Bürosunun məlumatına istinadən xəbər verir.
Məlumata görə, yerli vaxtla saat 03:01-də qeydə alınan yeraltı təkanların maqnitudası 4,8 olub. Zəlzələ ocağı 9 kilometr dərinlikdə yerləşib.
Zəlzələ episentrdə 4 bal gücündə hiss olunub.
Daha sonra eyni bölgədə 3 və 3,8 maqnitudalı daha iki zəlzələ baş verib.
