Avropa Şurasının İrqçilik və Dözümsüzlük Əleyhinə Komissiyası (ECRI) Ermənistanla bağlı monitorinqin nəticəsini açıqlayıb.
Gununsesi.info–nun xəbərinə görə, bununla bağlı yayılan sənəddə Ermənistanda irəliləyiş qeyd edilsə də lakin bildirilir ki, bütün ayrı-seçkilik əsasları qanunla əhatə olunmalı, nifrət nitqi ilə effektiv mübarizə aparılmalıdır:
“Son yeddi il ərzində Ermənistanda inklüziv təhsil, miqrant inteqrasiyası və ayrı-seçkiliyə qarşı qanunvericilik sahəsində irəliləyiş əldə olunub və yaxşı təcrübələr inkişaf etdirilib. Bununla belə, İnsan Hüquqları Müdafiəçisi institutuna tam bərabərlik mandatının verilməməsi, məktəblərdə nifrət nitqi və ayrı-seçkilik və zorakılığa qarşı kifayət qədər tədbir görülməməsi, habelə Bərabərlik Qanununun qəbulu ilə bağlı ləngimələr kimi bəzi məsələlər hələ də narahatlıq doğurur. Müsbət tərəfdən, ECRI Covid-lə əlaqədar ibtidai və tam orta təhsildə məktəblərin bağlanmasından təsirlənən kənd yerlərində aztəminatlı ailələrdən olan məktəblilərin 80%-nin təhsilinin davam etdirilməsini təmin etmək üçün inklüziv təhsil sahəsində fövqəladə tədbirləri qeyd edir. Təhsil sahəsində islahatlar, o cümlədən məktəblərin yenidən qurulması və müəllim hazırlığının gücləndirilməsi davam etdirilir. Polis məmurları, müstəntiqlər, prokurorlar və hakimlər də daxil olmaqla, müxtəlif peşəkarlar üçün nifrət nitqi/nifrət cinayəti və ya ayrı-seçkilik halları ilə bağlı təlimlər təşkil edilmişdir”.
Hesabatda yazılır ki, miqrantlar üçün ödənişsiz mobil proqram (MigApp) hazırlanmış, miqrant uşaqların məktəb sisteminə inteqrasiyasını təmin etmək üçün xüsusi tədbirlər görülmüş, 2022-ci ilin yanvarında iş icazəsi ilə bağlı müraciətlərin qeydiyyatı üçün yeni elektron platformanın istifadəyə verilməsi xeyli sadələşdirilmişdir.
Bununla belə, ECRI bildirir ki, İnsan Hüquqları Müdafiəçisi institutu, əsasən ayrı-seçkiliyə qarşı hərtərəfli hüquqi müddəaların olmaması səbəbindən, demək olar ki, heç bir ayrı-seçkilik şikayəti almayıb. ECRI öz hesabatında İnsan Hüquqları Müdafiəçisinə qanunla tam bərabərlik mandatının verilməsini tövsiyə edir.
Təhsildə, xüsusən də LGBTİ tələbələrə qarşı ayrı-seçkilik və zorakılıqla mübarizə aparmaq üçün xüsusi sistem yoxdur. Şagirdlər və məktəb işçiləri arasında bərabərlik məsələlərinə dair məlumatlılığın olmaması müşahidə edilir. ECRI deyir ki, hakimiyyət əks çıxış və alternativ çıxış yolu ilə nifrət nitqinin qarşısını almaq üçün heç bir təşəbbüs göstərməyib və ya dəstək göstərməyib. ECRI zorakılığın, xüsusən də LGBTİ-fobik hücumların qarşısını almaq, izləmək və onlara cavab vermək üçün effektiv məktəb siyasəti və mexanizmlərinin yaradılmasını tövsiyə edir. Səlahiyyətlilər, həmçinin internet vasitəçilərinə qarşı qoyulan aradan qaldırılması prosedurları və şərtləri və məsuliyyət qaydalarının şəffaf, aydın və proqnozlaşdırıla bilən olmasını təmin etməklə də daxil olmaqla, onlayn nifrət nitqinin qarşısını almaq və onunla mübarizə aparmaq üçün tədbirlər görməlidir.
Tərcümə:
Afət Abbasova
Gununsesi.info
