BMT-nin baş katibi Antonio Quterreş Ukrayna Silahlı Qüvvələrinin 27 nəfərin həyatına son qoyan Donetskə endirdiyi zərbəni kəskin şəkildə qınayıb.
Gununsesi.info xəbər verir ki, bu barədə BMT baş katibinin ofisi bəyanat yayıb.
“Baş katib mülki şəxslərə və mülki infrastruktura qarşı edilən bütün hücumları, o cümlədən bu gün Donetskin atəşə tutulmasını qətiyyətlə pisləyir”, – deyə bəyanatda bildirilib.
“Mülki əhaliyə və mülki infrastruktura qarşı hücumlar beynəlxalq humanitar hüquq çərçivəsində qadağandır, onlar qəbuledilməzdir və dərhal dayandırılmalıdır”, – Baş katib vurğulayıb.
Ukrayna Silahlı Qüvvələrinin (AFU) Donetsk mikrorayonunun Tekstilşik bölgəsinə hücumu nəticəsində ölənlərin sayı 27 nəfər olub.
Bu barədə qondarma “DXR rəhbəri” Denis Puşilin Telegram kanalında məlumat verib.
Gununsesi.info
