ပွင့်ဖြူမြို့နယ်၊ မုန်းဇလဲရွာမီး​လောင်လို့ တစ်ရွာလုံးအကူအညီ​တွေလိုအပ်​နေ

က​ဖေး/People’s Spring

မကွေးတိုင်း ပွင့်ဖြူမြို့နယ် မုန်းဇလဲကျေးရွာမှာမတ်လ ၁၂ ရက်​နေ့ကပေါ့ဆမီးကတဆင့် မီးလောင်လို့ အိမ်ခြေလေးရာနီးပါး ဆုံးရှုံးခဲ့ပြီး လူဦး ၁၈၀၀ ကျော် အိုးမဲ့အိမ်မဲ့ဖြစ်ခဲ့ကာ သက်ကြီးရွယ်ကိုတစ်ဦး သေဆုံးခဲ့ပါတယ်။

မတ်လ ၁၂ ရက်​နေ့က နာရီပေါင်းများစွာ မီးလောင်ကျွမ်းခဲ့တာဖြစ်ပြီး တရွာလုံးအကူအညီလိုအပ်နေတယ်လို့ ဒေသခံတွေကပြောပါတယ်။

ပွင့်ဖြူမြို့နယ်ကကျေးရွာအချို့မှာတိုက်ပွဲတွေလည်းဖြစ်နေပြီး စစ်ကောင်စီက မီးရှို့ဖျက်ဆီးတာတွေလည်း ရှိနေပါတယ်။မုန်းဇလဲကျေးရွာ မီးလောင်မှုကတော့ပေါ့ဆမီးကတဆင့် လောင်ခြင်းဖြစ်လို့ ​ဒေသခံအချို့က​ပြောပါတယ်။

Public Service Announcement

လတ်တလောမှာ အနီးအနားက စစ်ရှောင်တွေကပါမုန်းဇလဲကျေးရွာ မီးဘေးသင့်ပြည်သူတွေကို အစားအသောက်တွေကူညီပေးနေပြီး အဓိကလိုအပ်ချက်ကအဝတ်အစားတွေဖြစ်တယ်လို့ သတင်းရရှိပါတယ်။

မြန်မာနိုင်ငံမှာပူပြင်း​ခြောက်​သွေ့တဲ့​နွေရာသီရောက်လာပြီဖြစ်ပြီး ​​ဒေသအချို့မှာ ရေရှားပါးလာသလို ၊မီး​လောင်လွယ်တဲ့ကာလဖြစ်တာမို့ မီး​ဘေးသတိ​ပေးချက်​​တွေပြုလုပ်​နေကြပြီဖြစ်ပါတယ် ။