ရဲခေါင်/People’s Spring
စစ်ကိုင်းတိုင်း၊ မုံရွာမြို့နယ်၊ ညောင်ဖြူပင်ရဲစခန်း ပို့မည့် စစ်ကောင်စီ၏ရိက္ခာထုပ်များ သိမ်းဆည်းရရှိကြောင်း ချောင်းဦးမြို့နယ်ပြည်သူ့ကာကွယ်ရေးအဖွဲ့(ပကဖ) တိုက်ခိုက်ရေးတပ် CHU PDFမှတာဝန်ရှိသူ ကိုသန့်က လူထုနွေဦးသို့ ပြောသည်။
ယနေ့(ဇန်နဝါရီ ၂၅ရက်)နံနက်က သိမ်းဆည်းရရှိသည့် စစ်ကောင်စီ၏ ရိက္ခာထုပ်များတွင် ဆန် အိတ် ၁၃ပိုင်း၊ဆီတစ်ပုံံး ၊ကြက်သွန်၊ ဖြူနီသွန် ၅ပိဿာခန့်၊ငါးခြောက် ၅ပိဿာခန့်၊ကော်ဖီမစ်ထုတ်ကြီး ၇ထုပ်၊အရက်၊ဘီယာ၊ ဆေးလိပ်၊ ဆေးဝါးမျိုးစုံ၊အလှကုန်နှင့် အသင့်စားအစာများပါရှိသည်ဟုဆိုသည်။
စစ်ကောင်စီတပ်ထံက သိမ်းရသော ရိက္ခာထုပ် များမှ ပစ္စည်းများ။(ဓာတ်ပုံ – ချောင်းဦး PDF) 
စစ်ကောင်စီတပ်ထံက သိမ်းရသော ရိက္ခာထုပ် များမှ ပစ္စည်းများ။(ဓာတ်ပုံ – ချောင်းဦး PDF) 
စစ်ကောင်စီတပ်ထံက သိမ်းရသော ရိက္ခာထုပ် များမှ ပစ္စည်းများ။(ဓာတ်ပုံ – ချောင်းဦး PDF) 
စစ်ကောင်စီတပ်ထံက သိမ်းရသော ရိက္ခာထုပ် များမှ ပစ္စည်းများ။(ဓာတ်ပုံ – ချောင်းဦး PDF)
“ဒီမနက် ၈ နာရီလောက်မှာ သွားရောက်ရှာဖွေသိမ်း ဆည်းနိုင်ခဲ့တာဖြစ်တယ်။ပထမတစ်ကြိမ်ရိက္ခာပို့တဲ့အခါတုန်းကလည်း ဖြတ်တောက်နိုင်ခဲ့တယ်။အထုကတော့ ညောင်ဖြူပင်ကစကစ စခန်းဆီ ရိက္ခာလုံးလုံးမရောက်တော့ဘူး”ဟု ကိုသန့်က ပြောသည်။
Public Service Announcement
ရိက္ခာပိုမည့် စစ်ကောင်စီတပ်အား တိုက်ခိုက်ခဲ့သည့် ဖြစ်စဉ်မှာ ဇန်နဝါရီ ၂၂ရက်က စစ်ကောင်စီ၏ ပျူစောထီးအားကောင်းရာ တောပုကျေးရွာမှ အင်အား၂၅ ဦးခန့် နှင့် ညောင်ဖြူပင်ကျေးရွာဘက်မှ ၂၅ဦးခန့်ကို တော်လှန်ရေးတပ်ဖွဲ့များက တိုက်ခိုက်ခဲ့ခြင်း ဖြစ်သည်။
အဆိုပါဖြစ်စဥ်တွင် စစ်အုပ်စုမှ နှစ်ဦးသေဆုံးပြီး ငါးဦးဒဏ်ရခဲ့သည်ဟု ချောင်းဦးမြို့နယ် ပကဖ တိုက်ခိုက်ရေးတပ် CHU PDF က ကနဦး အသိပေးထားသည်။
ရိက္ခာပို့မည့် မုံရွာမြို့၏ တောင်ဘက်ခြမ်းတွင်ရှိသည့် ညောင်ဖြူပင်ရဲစခန်း၌ ရဲနှင့် စစ်ကောင်စီတပ်သား ၅၀ဦးခန့်ဖြင့် တပ်စွဲထားကြောင်း တော်လှန်ရေးတပ်ဖွဲ့များက ခန့်မှန်းသည်။
ဇန်နဝါရီ ၁၈ ရက်ကလည်း စစ်ကိုင်းတိုင်း၊ ချောင်းဦးမြို့နယ်၊ မုံရွာ-မန္တလေးလမ်းပိုင်း၌ စစ်ကောင်စီတပ်အား တိုက်ခိုက်ရာ နှစ်ပွင့်ဗိုလ်အပါအဝင် ငါးဦးထက်မနည်းသေဆုံးကြောင်း ချောင်းဦး PDF က ထုတ်ပြန်ထားသည်။
