ကရင်နီ(ကယား)ပြည်နယ် တိုက်ပွဲ၌ အလွယ်တကူ စွန့်ပစ်ထားခဲ့သော စစ်ကောင်စီမှတပ်ကြပ်ကြီးရုပ်အလောင်းကို ကရင်နီပူးပေါင်းတပ်များက ကောင်းမွန်စွာသဂြိုလ်ပေးခဲ့ကြောင်း ကရင်နီပြည်သူ့ရင်ခွင်က ယနေ့ ထုတ် ပြန်သည်။
အလယ်ပိုင်းတိုင်းစစ်ဌာနချုပ်လက်အောက်ခံ (နမ့်ဇန်) အခြေစိုက် ခလရ ၂၄၇ တပ်မှတပ်ကြပ်ကြီးမင်းခိုင်ဖြစ်ပြီး၊၎င်း၏ ရုပ်အလောင်းကိုယမန်နေ့ကတွေ့ရှိခဲ့ခြင်းဟုဖော်ပြထားသည်။
အသက်ပေးပြီး တာဝန်ထမ်းဆောင်နေသည့်တပ် ကြပ်ကြီး မင်းခိုင်၏ ရုပ်အလောင်းကို စောင်နဲ့ထုပ်ပြီး အလွယ်တကူ စွန့်ပစ်ထားခဲ့ခြင်းဖြစ်ကြောင်းသိရသည်။
“ တပ်ကြပ်ကြီး မင်းခိုင် ရုပ်အလောင်းအားတော်လှန်းရေးတပ်ဖွဲ့မှ ကောင်းမွန်စွာ ပြန်လည်သဂြိုလ်ပေးလိုက်သည်။ စစ်ကောင်စီ တပ်ရင်း အမှတ် ၂၄၇ သက်ဆိုင်ရာ တပ်ရင်း မှူးကိုပြောချင်ပါတယ်ဗျာ။အသက်ပေး ပြီး တာဝန်ထမ်းဆောင် နေသည့်တပ်ကြပ်ကြီး မင်းခိုင်ရဲ့ရုပ်အလောင်းကို စောင်နဲ့ထုပ် ပြီး စွန့်ပစ်ထားခဲ့သည်။စစ်ကောင်စီနှင့်သက်ဆိုင်ရာများသိမြင်နိုင်ဖို့တင်ပေးရခြင်းဖြစ်ပါသည်စစ်ကောင်စစ်အနေဖြင့်ဒီထက် ပိုပြီး ကောင်းကောင်း မွန်မွန် ချီးမြှင့်သင့်တယ်လို့ ပြောချင်တယ် ဗျာ” ဟု ကရင်နီပြည်သူ့ရင်ခွင်တာဝန်ရှိသူက စာရေးသား၍ပြောသည်။
ထို့အပြင် သေဆုံးသွားသည့် တပ်ကြပ်ကြီးမင်းခိုင် အနေဖြင့်နောင်ဘဝတွင်စစ်အာဏာရှင်ဖက် မှ ပြည်သူလူထု ကို သတ်သည့် သူ မဖြစ်ဘဲ တိုင်းပြည်နှင့် ပြည်သူ လူထု ကို ကာကွယ်ခွင့်ရသူ ဖြစ်လာစေရန် ကရင်နီပြည်သူ့ရင်ခွင်က ဆုတောင်းကြောင်း ထုတ်ပြန်ချက်၌ ဖော်ပြသည်။
ယခုလ ဆန်းပိုင်းကစ၍ ကရင်နီဒေသအနှံ့ ထိုးစစ်ဆင် နေသော စစ်ကောင်စီတပ်မှာ အထိနာ နေပြီး ဒီးမော့ဆို ၊ ဖယ်ခုံ ၊မိုးဗြဲ နှင့် ပင်လောင်း တိုက်ပွဲများ၌ သေဆုံးသူ ၄၀ ထက်မနည်းရှိပြီး စစ်ကောင်စီတပ်သားခြောက်ဦး ကို အရှင်ဖမ်းမိထားသည်။
