Vəkil Zibeydə Sadıqova Bakı İstintaq Təcridxanasında saxlanılan ADR Partiyasının lideri iqtisadçı alim Qubad İbadoğlu ilə görüşüb.
Bu barədə Gununsesi.info-ya danışan vəkil müvəkkilinin son durumunu açıqlayıb:
“6 nəfərlik kamerada saxlanılır. Dərmanlarını qəbul ediblər, istəyəndə nəzarətçi gətirir. Yaşlı anasından nigarançılığı var. Bir daha ittihamları rədd etdiyini dedi”.
Qeyd edək ki, Qubad İbadoğlu DİN-nin Baş Mütəşəkkil Cinayətkarlığa Qarşı Mübarizə İdarəsi tərəfindən həbs edilib .
Saxta pul vəsaitlərinin çapı, saxlanması və satışı ittihamı ilə barəsində Nərimanov Rayon Məhkəməsinin qərarı ilə 3 ay 26 gün həbs-qətimkan tədbiri seçilib.
ABŞ və Avropa ölkələri tanınmış iqtisadçı alimin həbsini pisləyib, hökumətdən ona azadlıq tələb edib.
Şəbnəm Rəhimova
Gununsesi.info
