Respublikaçıları Ukraynaya əlavə yardımı dəstəkləməyə inandırmaq üçün ABŞ-da olan Böyük Britaniyanın keçmiş baş naziri Liz Tras hesab edir ki, Rusiya müharibəni bitirmək üçün uduzmalıdır.
Gununsesi.info xəbər verir ki, Tras bu barədə “Amerikanın Səsi”nə müsahibəsində bildirib.
Britaniyalı siyasətçinin sözlərinə görə, onun ABŞ-a səfərində məqsədi Çin, Rusiya və İranın totalitar rejimlərindən qlobal demokratiyaya təhlükəyə diqqət çəkməkdir.
“Ukrayna Vladimir Putin tərəfindən qeyri-qanuni işğal olunub. O, çox əziyyət çəkir, lakin biz Ukraynanın müharibədə qalib gəlməsi və Rusiyanın müharibədə uduzmasına əmin olmaq üçün əlimizdən gələni etmək vacibdir”, – o əlavə edib.
Böyük Britaniyanın keçmiş baş naziri xatırladıb ki, Rusiya artıq 2008 və 2014-cü illərdə təcavüz edib, ondan sonra isə məsuliyyətə cəlb olunmayıb. O, Vladimir Putinlə hər hansı razılaşma ideyasını “dəhşətli” adlandırıb, çünki bundan sonra Moskva “yenidən toplanacaq və yeni güclə qayıdacaq”.
“Son məqsəd Rusiyanın itkisidir. Yekun məqsəd Rusiyanı Ukraynadan tamamilə sıxışdırıb çıxarmaqdır. Yekun məqsəd Rusiyanı Ukraynadakı dəhşətli müharibə cinayətlərinə görə məsuliyyətə cəlb etməkdir ki, bir daha qonşularına qarşı bu tip zorakılıqlara yol verməsin. “- Tras vurğulayıb.
Böyük Britaniyanın keçmiş baş naziri bu həftə skeptik respublikaçı qanunvericilərdən Ukraynaya yardıma dəstək almaq üçün Vaşinqtona uçub.
Atlantikanın hər iki tərəfində ümid var ki, Liz Tras Konqresin mühafizəkar hissəsini Britaniyanın baş naziri Rişi Sunak və ABŞ prezidenti Co Baydenin müdafiə etdiyi fəal beynəlxalq rolu almağa inandırmağa kömək edə bilər.
Gununsesi.info
