Özünü bloger adlandıran Tərtər rayon sakini Ziya Mahmudov xüsusi karantin rejiminin tələblərini pozduğuna görə Tərtər Rayon Polis Şöbəsinin xidmətdə olan əməkdaşları tərəfindən saxlanılaraq İXM-in 211-ci maddəsinə əsasən inzibati qaydada barəsində cərimə protokolu tərtib edilərək sərbəst buraxılıb.
Bu barədə Gununsesi.org-a Daxili İşlər Nazirliyinin (DİN) Mətbuat Xidmətindən məlumat verilib.
Bildirilib ki, xüsusi karantin rejiminin tətbiqindən sonra bu, Z.Mahmudovun inzibati qaydada 3-cü cəzasıdır.
Bundan əvvəl də o, 2 dəfə xüsusi karantin rejiminin tələblərini pozduğu üçün İXM-in 211-ci maddəsinə əsasən 100 manat cərimə olunub.
Qeyd edək ki, bir müddət öncə sosial şəbəkələrdə bloger video çəkiliş edərək yerli sakinlərin probelemlərini işıqlandırmışdı.
COMMENTS