သြဂုတ် ၈၊၂၀၂၆။သုည/People’s Spring
ကချင်ပြည်နယ်၊ ဖားကန့်မြို့နယ်မှာ (၃၈)နှစ်ပြည့် ရှစ်လေးလုံး အထိမ်းအမှတ်အဖြစ် စစ်အာဏာရှင်ကို ဆန့်ကျင်ဆန္ဒပြပွဲကို ဖားကန့်မှော်လှည့်သပိတ်က ဒီကနေ့ (သြဂုတ် ၈) မနက်က ပြုလုပ်ခဲ့ပါတယ်။
“၈၈ မှာ သွေးချောင်းစီးခဲ့တာတွေ ဒီနွေဦးမှာ အဆုံးသတ်မယ်”၊ “တော်လှန်ရေးသူပုန်ဆိုတာ အနာဂါတ်ရဲ့ အစိုးရပဲ”၊ “ပြည်သူတွေရဲ့အသံကို တို့အစိုးရ နားထောင်ပေးဦး” စတဲ့ စာသားတွေ ကိုင်ဆောင်ခဲ့ကြပြီး စစ်အာဏာရှင်ကို ပြည်သူလူထုက ဆန့်ကျင်တော်လှန်ခဲ့ကြတဲ့ ရှစ်လေးလုံး အမှတ်သင်္ကေတကို ပုံဖော်ခဲ့ပါတယ်။
အလားတူ အာဏာသိမ်းစစ်ခေါင်းဆောင် မင်းအောင်လှိုင်ရဲ့ ပုံကိုလည်း ခြေနဲ့နင်းပြီး ကန့်ကွက်ရှုတ်ချကြောင်း ဆန္ဒထုတ်ဖော်ခဲ့ပါတယ်။
Public Service Announcement
ဒါ့အပြင် မြစ်ဆုံဆည် စီမံကိန်းကို ကန့်ကွက်ကြောင်း၊ လူထုခေါင်းဆောင် ဒေါ်အောင်ဆန်းစုကြည်နဲ့ နိုင်ငံရေးအကျဉ်းသားအားလုံး ခြွင်းချက်မရှိ ချက်ချင်းလွတ်ပေးဖို့ကိုလည်း ဖားကန့်မှော်လှည့်သပိတ်အဖွဲ့က တောင်းဆိုဆန္ဒပြခဲ့ပါတယ်။
