𝐄𝐚𝐫𝐭𝐡𝐪𝐮𝐚𝐤𝐞 𝐏𝐞𝐨𝐩𝐥𝐞’𝐬 𝐃𝐞𝐟𝐞𝐧𝐜𝐞 𝐅𝐨𝐫𝐜𝐞 – 𝐔𝐆 အဖွဲ့စခန်း မတော်တဆဖြစ်၍ လက်နက် တိုက်အပါအဝင် စခန်းမီးလောင်ဆုံးရှုံး

မကွေးတိုင်း ပခုက္ကူခရိုင်အခြေစိုက် 𝐄𝐚𝐫𝐭𝐡𝐪𝐮𝐚𝐤𝐞 𝐏𝐞𝐨𝐩𝐥𝐞’𝐬 𝐃𝐞𝐟𝐞𝐧𝐜𝐞 𝐅𝐨𝐫𝐜𝐞 – 𝐔𝐆 အဖွဲ့၏ ထုတ်လုပ်ရေးလုပ်ငန်းစဥ်တွင် မတော်တဆဖြစ်ခဲ့၍ လက်နက်တိုက်အပါအဝင် စခန်းမီးလောင်ဆုံးရှုံးခဲ့ကြောင်း ယင်းအဖွဲ့က ထုတ်ပြန်သည်။

ယမန်နေ့(ဇွန် ၂၅ ရက်)က ဂဟေဆော်နေစဥ် မီးပွားများမှတဆင့် ယမ်းမှုန့်များသို့ ကူးစက်သွားပြီးနောက် မီးလောင်ပေါက်ကွဲမှုများဖြစ်ပွားခဲ့ခြင်းဟု ဆိုသည်။

“ကျွန်တော်တို့ ခေါင်းဆောင်တွေအစည်းအဝေးလုပ်ပြီး ခဏနားနေတဲ့အချိန် ထုတ်လုပ်ရေးစခန်းဘက်ကနေ အသံစ ကြားရတာ။ဖျောက်ဖျောက် ဖျောက်ဖျောက်နဲ့ ။အဲဒီနားမှာရှိတဲ့ လက်နက်ကြီးပဲ ကူးသွားပြီး မိုင်းတွေနဲ့ပါဆိုတော့ လုံးဝပေါက်ကွဲသွားတာ”ဟု 𝐄𝐚𝐫𝐭𝐡𝐪𝐮𝐚𝐤𝐞 𝐏𝐞𝐨𝐩𝐥𝐞’𝐬 𝐃𝐞𝐟𝐞𝐧𝐜𝐞 𝐅𝐨𝐫𝐜𝐞-𝐔𝐆 တာဝန်ရှိသူက People’s Springသို့ ရှင်းပြသည်။

မတော်တဆ ပေါက်ကွဲမှုများတွင် လူထိခိုက်မှုမရှိခဲ့သော်လည်း လက်နက်များ၊ မိုင်းများ၊ လက် နက်ကြီး နှင့် ယမ်းများအားလုံး ပါဝင်သွားခဲ့ကြောင်းလည်း၎င်း က ပြောသည်။

ထို့ကြောင့် တော်လှန်ရေးလုပ်ငန်းစဥ်ကို ခေတ္တရပ်နားလိုက်ပြီး လက်နက်များပြန်လည်စု ဆောင်းရန် ပြည်သူလူထု၏ ထောက်ပံ့ကူညီမှုများ လိုအပ်နေကြောင်း မေတ္တာရပ်ခံသည်။

𝐄𝐚𝐫𝐭𝐡𝐪𝐮𝐚𝐤𝐞 𝐏𝐞𝐨𝐩𝐥𝐞’𝐬 𝐃𝐞𝐟𝐞𝐧𝐜𝐞 𝐅𝐨𝐫𝐜𝐞-𝐔𝐆 အဖွဲ့သည် စစ်ကောင်စီလက်အောက်ခံ ရေစကြိုမြို့ နယ်မှူးကားကို ဇွန်လ၁၇ ရက်က ဖမ်းဆီးသိမ်းယူနိုင်ခဲ့သည့် အဖွဲ့ဖြစ်သည်။

ထို့အပြင် ယခုလ ၁၀ ရက်ကလည်း ရေစကြိုမြို့နယ် ကျောက်လှေခါးတိုးဂိတ်ကို ရေစကြိုPDF နှင့် ပူးပေါင်း၍ တိုက်ခိုက်ထားသည်။