“Whatsapp” istifadəçiləri yoxa çıxan mesajları saxlamaq imkanı əldə edəcəklər.
Gununsesi.info xəbər verir ki, bu yeni funksiya “yoxa çıxan” mesajların söhbətdə saxlanmasını təmin edəcək. Məxfi rejimdə göndərilən mesajlar, saxlanıldığı hallar istisna olmaqla, göndərildikdən sonra 24 saat ərzində əlçatan olacaq.
Mütəxəssislər qeyd edirlər ki, istifadəçilər hər zaman “yoxa çıxan” mesajı saxlaya və ya saxlanan mesajı ləğv edə bilərlər.
Qeyd edək ki, ləğv edildikdə mesaj avtomatik olaraq hamı üçün silinir və onu bərpa etmək mümkün deyil. Müddəti bitməmiş “yoxa çıxan” bir mesajı saxlamaq seçimi hələ ki inkişaf mərhələsindədir və tətbiqin gələcək yeniləməsində yayımlanacaq.
Gununsesi.info
