Azərbaycan yığmasının üzvü Ramil Şeydayev sabah Türkiyənin “Kocaelispor” klubunun düşərgəsinə qoşulacaq.
Gununsesi.info xəbər verir ki, bu barədə klub prezidenti Engin Koyun məlumat verib.
TFF I Liqasında çıxış edən klubun rəhbəri Azərbaycan millisinin futbolçusunun Tailand təmsilçisi “Buriram Yunayted”lə bu gün vidalaşacağını açıqlayıb: “Ramil Şeydayevlə anlaşdıq. O, “Buriram Yunayted”lə müqaviləsinə xitam verəcək. Şeydayevlə müqavilənin müddəti 1,5 illik olacaq”.
“Kocaelispor” 17 turdan sonra 33 xalla turnir cədvəlinin ikinci pilləsində qərarlaşıb.
Gununsesi.info
